Ministri i Turizmit, Kulturës dhe Sporteve Blendi Gonxhja ka inspektuar këtë të mërkurë punimet në kishën e Profetit Ilia në Lekël, Tepelenë.

Kisha e cila është shpallur një monument kulture për shkak të rëndësisë historike dhe arkitekturore u dëmtua nga zjarret e vitit të kaluar.

Punimet përfshijnë rindërtimin e çatisë tradicionale, konsolidimin e strukturës dhe restaurimin e elementëve karakteristikë të objektit.

“Vijon puna përmes një ndërhyrje të rëndësishme që synon rikthimin e këtij Monumenti Kulture në gjendjen e tij origjinale duke ruajtur vlerat historike e arkitektonike.

Falë angazhimit të Drejtorisë Rajonale të Trashëgimisë Kulturore Gjirokastër, po realizohen punime konservuese, që përfshijnë rindërtimin e çatisë tradicionale, konsolidimin e strukturës dhe restaurimin e elementëve karakteristikë të objektit”, shkruan Gonxhja.