Një ngjarje e rëndë ka ndodhur në Memaliaj të Tepelenës, ku një i moshuar ka humbur jetën pasi një furgon e ka shtypur duke i shkaktuar plagë  të rënda qw i shkaktuan vdekjen. Bedri Hoxha, 67 vjeç, ka humbur jetën pasi u shtyp nga furgoni në pronësi të djalit të tij.

Ngjarja ndodhi në fshatin Krahes, ku djali i viktimës parkoi furgonin para shtëpisë, por harroi të ngrinte frenat e dorës. Kjo bëri që mjeti të lëvizte mbrapsht për shkak se ishte dishezë e madhe.

Djali sapo e pa u mundua të ndalonte mjetin, por që e pamundur dhe në përpjekje e sipër theu edhe këmbën e tij. Fatkeqësisht furgoni mori përpara 67-vjeçarin, i cili humbi jetën në vendin e ngjarjes.

Ndërsa i biri i viktimës është shtruar në spital për shkak të frakturave që mori në gjymtyrë gjatë tentativës së tij për t'u bërë barrikadë që të ndalonte furgonin dhe të shmangte tragjedinë.