POP 5

Lajmet më të lexuara të 5 minutave të fundit

Politikë

Tërhiqet Berisha: 3 ligjet pas
zgjedhjeve, por me referendum

Kryeministri është tërhequr nga kërkesa ndaj opozitës për votimin e 3 ligjeve para zgjedhjeve. Në mbledhjen me kryesinë e PD, Berisha tha “3 ligjet do t’i votojë sovrani në Referendum pas fitores. Siç njoftuan burimet më zyrtare të Brukselit, nuk ka më kohë të bëhet raport për Shqipërinë"
Tërhiqet Berisha: 3 ligjet pas <br />zgjedhjeve, por me referendum
TIRANE - Kryeministri Berisha është tërhequr nga kërkesa pndaj opozitësër votimin e 3 ligjeve para zgjedhjeve, si një nga kushtet e vendosura nga Komisioni Evropian për marrjen e statusit të vendit kandidat të Shqipërisë në BE. Në një mbledhje ‘blic’ që zhvilloi me stukturat e partisë së tij pasditen e sotme, Berisha tha se 3 ligjet do të jenë në fokus pas zgjedhjeve përmes referendumit.

Në një prononcim për mediat, pasi përfundoi mbledhja me dyer të mbyllura prej rreth dy orësh, i pyetur nga gazetarja e televizionit A1 REPORT, Joniada Koçi se si do të jetë rrjedha e 3 ligjeve pas prishjes së koalicionit qeveritar me LSI dhe bashkimin e kësaj të fundit me PS-në, Berisha tha se “3 ligjet do t’i votojë sovrani në Referendum pas fitores dhe gjatë mandatit të ardhshëm të PD-së”.

"PS ka ndërruar kursin tashmë, çfarë vlere ka tani votimi i tri ligjeve? Tre ligjet janë peng me të cilat Edi Rama mori statusin e vendit kandidat. Qeveria dhe mazhoranca kompletoi të gjitha reformat me të cilat u bë e mundur që Komisioni Europian të rekomandojë statusin. Edi Rama i bllokoi ato me votat e tij vetëm e vetëm që Shqipëria të mos marrë statusin. Tani siç njoftuan burimet më zyrtare të Brukselit, nuk ka më kohë për t’u bërë raport për Shqipërinë dhe para gjithë ministrave. Pasi u sigurua se nuk do të bëhet raporti për statusin, i përdori këto për t’u hedhur hi syve qytetarëve Shqiptarë. I votoj, s’iu votoj, por e vërteta është që po s’i votoi do t’i votojë sovrani në një votë plebishitare në referendum pas fitores dhe gjatë mandatit të ardhshëm të Partisë Demokratike”, u përgjigj numri 1 i qeverisë.

Mbledhja e strukturave të Partisë Demokratike zhvillohet dy ditë pasi Meta doli nga koalicioni i qeverisë.

Kreu i LSI-së, Ilir Meta u largua nga koalicioni me Berishën, pas ftesës publike të Edi Rama për bashkimin e tyre në koalicion parazgjedhor. Me largimin e Metës, ish-aletatit të qeverisë Berisha prej shtatorit të 2009-ës, dje u riformatua edhe qeveria e re, me 3 ministra dhe zëvendëskryeministrit, pas vendeve bosh që lanë minsitrat e LSI-së.

Gjatë ditës së sotme, Meta ka deklaruar se edhe pse korrekt, koalicioni me Partinë Demokratike ishte i panatyrshëm, ndërsa me bindje delaroi se bashkimi me Partinë Socialsite është i natyrshëm pasi të dyja palët i takojnë të majtës evropiane.

Redaksia Online
(Greta Malaj / Shqiptarja.com)

  • Sondazhi i ditës:
    26 Nëntor, 23:23

    A po japin rezultat protestat e PD-së?

Lajme të tjera



×

Lajmi i fundit

Namir Lapardhaja: Flojera Davidhi – gjyqtare e ‘fjalës së lirë’ apo ‘e kapur nga Edi Rama’?

Namir Lapardhaja: Flojera Davidhi – gjyqtare e ‘fjalës së lirë’ apo ‘e kapur nga Edi Rama’?

27 Nëntor, 11:22 nga Namir Lapardhaja