Haradinaj- shqiptarëve që s'janë prekur nga tërmeti: Mashtrim! S'çojmë asnjë me avion në Gjermani, mos hajdeni në Kosovë

KOSOVË- Kryeministri në detyrë, Ramush Haradinaj u ka bërë thirrje qytetarëve shqiptarë që nëse nuk janë prekur nga tërmeti të mos nisen drejt Kosovës.

Pas homazheve pranë shtatores së ish-presidentit Ibrahim Rugova, me rastin e ditëlindjes së tij, Haradinaj tha se nuk është e vërtetë se nga kampi i dërgojnë me avion në Gjermani. Është mashtrim, theksoi kreu i qeverisë Kosovare.

"Iu bëj thirrje qytetarëve që nuk janë prekur nga tërmeti të mos vijnë në Kosovë. Nuk është e vërtetë që ata që hyjnë në parkun gjerman do t’i çojmë në Gjermani, është mashtrim ky. Kushdo që vjen në këtë kamp do të ketë përkujdesjen e nevojshme se ne jemi vllazën, por nuk është e vërtetë që prej aty i ngarkojmë në aviona dhe i çojmë në Gjermani”, tha Haradinaj.

Nga tërmeti i 26 nëntorit humbën jetën 51 persona, e ndërsa dhjetëra persona kanë mbetur në qiell të hapur. Një pjesë e këtyre banorëve janë strehuar në hotele, e ndërsa një numër i caktuar, ende nuk ka një shifër të saktë janë dërguar drejt Kosovës. Qeveria e Kosovës, por jo vetëm, qindra vullnetarë janë treguar të gatshëm për të ndihmuar Shqipërinë, e cila prej disa ditës është në gjendje të jashtëzakonshme.

B.K./r.k./Shqiptarja.com
Komento