Tërmeti shkatërrues në Turqi e Siri, mbi 28 mijë të vdekur e mbi 80 mijë të plagosur! Forcat gjermane dhe austriake pezullojnë kërkimet, 50 të arrestuar për grabitje

Është thelluar bilanci i viktimave nga tërmeti i fuqishëm në  Turqi e Siri në 24,617 , tha nënpresidenti turk Fuat Oktay në një konferencë shtypi të shtunën.

Në Siri, numri i përgjithshëm i vdekjeve të konfirmuara është 3,575 , duke përfshirë 2,167 në zonat e kontrolluara nga rebelët në veriperëndim, sipas grupit të mbrojtjes civile të Helmetave të Bardha. 1,408 vdekje shtesë janë regjistruar në territoret e kontrolluara nga qeveria, sipas mediave shtetërore siriane, të cilat citojnë ministrinë e shëndetësisë të vendit.

Një situatë e përkeqësuar e sigurisë në Turqinë jugore ka ndërprerë përpjekjet e shpëtimit pas tërmetit vdekjeprurës të së hënës, kanë thënë grupet ndërkombëtare. Numri i kombinuar i vdekjeve nga tërmeti në Turqi dhe Siri ka tejkaluar 25,000 dhe shpresa për gjetjen e shumë të mbijetuarve po shuhet, pavarësisht rasteve të shpëtimit të mrekullueshëm.

Punonjësit gjermanë të shpëtimit dhe ushtria austriake ndërprenë operacionet e tyre të kërkimit të shtunën, duke përmendur përleshjet midis grupeve të paidentifikuara. Ministria e Mbrojtjes e Austrisë tha më vonë se ushtria turke kishte ndërhyrë për të ofruar mbrojtjen e saj, duke lejuar që operacionet e saj të shpëtimit të vazhdonin.

Ka pasur gjithashtu raporte për plaçkitje dhe presidenti i Turqisë tha se do të përdorte fuqitë emergjente për të ndëshkuar këdo që shkel ligjin.

Veç hoteleve në zonat bregdetare, edhe konviktet e studentëve do të presin të pastrehët nga tërmeti. Teksa pa nga afër situatën në qytetin Diyarbakir, një nga më të prekurit nga lëkundjet me magnitudë 7.7 dhe 7.6 të shkallës Rihter, presidenti turk Recep Tayyip Erdogan urdhëroi që universitetet të mbyllen deri në verë. Mësimi për studentët do të vijojë online si në kohën e pandemisë.

"Kemi vendosur që të gjitha universitetet të mbyllen deri në verë. Konviktet ku qëndrojnë studentët janë në dispozicion të qytetarëve që janë prekur nga tërmeti. Janë kthyer të gjitha në qendra pritëse për të pastrehët. Do të nisë transporti i qytetarëve duke i larguar nga çadrat dhe kontejnerët. Për ata persona që duan të jetojnë në një banesë të re do t’ju mundësojmë që të vijojnë jetën e tyre duke u dhënë bonusin e qirasë."- tha ai. 

Erdogan përsëriti edhe njëherë se banesat e reja në zonat e goditura nga lëkundjet do të përfundojnë brenda një viti. Turqia është në zi kombëtare deri të dielën ndërsa për 3 muaj është shpallur gjendja e jashtëzakonshme.

Menekse Tabak, 70 vjeçe, u nxor e gjallë nga rrënojat e tërmetit në Turqi. E moshuara u nxor e mbështjellë me batanije ndërsa ekipet e shpëtimit e çuan atë drejt spitalit në provincën e Kahramanmaras, për të marr kujdesin e nevojshëm mjekësor.

Ndërkohë që edhe një një 55-vjeçar, i identifikuar si Masallah Cicek, u nxor nga rrënojat e një ndërtese të shembur në Dijarbakir, qyteti më i madh në Turqinë juglindore.

Numri total i të vdekurve tejkaloi këtë të shtunë 24,150 në të gjithë Turqinë jugore dhe Sirinë veriperëndimore. Pritet që kjo shifër të rritet për shkak të numrit të madh të personave që gjenden ende nën rrënoja.

Presidenti turk Tajip Erdogan ka ndarë shpresat e tij se Turqia do të kapërcejë "këto ditë të vështira".

Në një mesazh i cili u shpërnda së bashku me një imazh të liderit turk duke përqafuar një grua në skenën e zonës së tërmetit, Erdogan tha se populli turk është pjesë e një kombi që beson se vështirësitë kalojnë shpejt.

"Ne jemi një komb që beson se me çdo vështirësi ka një lehtësi. Shpresoj t’i kalojmë këto ditë të vështira me një zemër dhe një dore.”- shkroi ai.

Dje, Erdogan e përshkroi tërmetin e fuqishëm që shkatërroi pjesë të Turqisë juglindore si "një nga fatkeqësitë më të mëdha me të cilat është përballur kombi i tij në histori.

Policia turke ka arrestuar 12 persona lidhur me shembjen e ndërtesave në provincat juglindore të Gaziantepit dhe Sanliurfës, raportuan mediat lokale, pas tërmeteve të fuqishme që goditën Turqinë dhe Sirinë. Sipas agjencisë së lajmeve, DHA, në mesin e të arrestuarve ka edhe kontraktorë.

Të paktën 6.000 ndërtesa janë shembur pas tërmetit 7.8 ballësh që goditi Turqinë dhe Sirinë më 6 shkurt. Nga ky tërmet kanë vdekur mbi 25.000 persona, dhe kjo ngjarje ka nxitur zemërimin e publikut lidhur me kualitetin e dobët të ndërtimit.

Pritet që të ketë edhe arrestime të tjera, pasi prokurori publik në Dijarbakër – një prej dhjetë provincave që u goditën nga tërmetet – lëshoi urdhër-arreste për 29 persona të shtunën, raportoi media shtetërore. Një prej të arrestuarve të shtunën ishte një kontraktor i një ndërtese në Gaziantep, raportoi media shtetërore, duke shtuar se ai u gjet nga Policia në Stamboll.

Ka pasur një valë të hetimeve të nisura nga prokurorët në provincat e goditura nga tërmeti.

Ministria e Drejtësisë së Turqisë ka urdhëruar prokurorët në dhjetë provincat turke që të themelojnë “zyra hetuese për krime sa i përket tërmeteve”. Të premten, Policia turke arrestoi një kontraktor të një banese luksoze që u shemb në provincën Hataj. Ai u arrestua në aeroportin e Stambollit, teksa u raportua se po tentonte që të largohej nga shteti./ REL

Numri i viktimave nga tërmeti shkatërrues në Turqi dhe Siri ka arritur në mbi 25 mijë ndërsa janë mbi 80 mijë të plagosur.

Në Turqi, presidenti Erdogan ka njoftuar se janë 21,848 viktima, ndërsa në Siri, flitet për rreth 3,553 të vdekur.

Në portin Yenikapı të Stambollit, po ndodh një transformim  total pasi autoritetet e qytetit u përpoqën për të transformuar një nga dy tragetet në një 'fshat lundrues',  me dushe të mjaftueshme, kuzhina dhe madje edhe mësues shkollash për të strehuar përkohësisht 1200 njerëz të mbetur pa shtëpi nga tërmeti vdekjeprurës i kësaj jave. 

Me nisjen e saj të caktuar për të shtunën në mëngjes, koha ishte thelbësore, me punonjësit e qytetit dhe vullnetarët që kishin nisur të shndërronin anijen që mbrëmjen e djeshme.

"Njerëzit do të mund të flenë. Ata do të jenë në gjendje të lahen dhe të përdorin tualetet, të hanë rehat. Do të kemi zona socializimi dhe rehabilitimi", tha Sinem Dedetaş, menaxhere e përgjithshme e linjave të trageteve të Stambollit, e cila zotëron varkën

Drejtori i përgjithshëm i Organizatës Botërore të Shëndetësisë arriti në qytetin e goditur nga tërmeti në Siri, Aleppo, sipas medias shtetërore siriane SANA. 

Tedros Adhanom Ghebreyesus u nis nga Aeroporti Ndërkombëtar Al Maktoum i Dubait të shtunën në mëngjes me një fluturim ndihme humanitare që mbante pajisje urgjente traumatike dhe kirurgjikale me vlerë më shumë se 290,000 dollarë, në koordinim me Qytetin Ndërkombëtar Humanitar të Dubait (IHC), tha IHC për CNN. 

Mike Ryan, drejtor ekzekutiv i Programit të Emergjencave të OBSH-së, i cili u nis me fluturimin me Ghebreyesus, i tha CNN të Premten se dërgesa e ndihmës ishte një "shkallë" e furnizimeve ekzistuese të OBSH-së në Siri. 

“Ne kemi një sistem që do ta zgjerojmë. Ne kemi furnizime të paravendosura në vend, ku kemi magazina kombëtare, "tha Ryan, duke shtuar se IHC në Dubai do të veprojë si një qendër logjistike "backup". 

Një tjetër mrekulli ka ndodhur në Turqi ku forcat e shpëtimit turke kanë punuar për të shpëtuar një foshnje dhe ia kanë dalë mbanë. Një foshnjë e porsalindur që besohet se ishte dy muajshe u shpëtua pas 128 orësh në rrënoja. Kështu shkruan agjencia turke Anadolu , pa dhënë detaje të tjera.

Më shumë shpëtime të mrekullueshme po ndodhin ditën e sotme, pesë ditë që nga tërmeti që goditi Turqinë të hënën.

Në Hatay, një djalë 13-vjeçar mësohet se është nxjerrë nga rrënojat pasi mbijetoi 128 orë në kushte ekstreme të të ftohtit dhe pa ushqim. 

Fotot treguan Arda Can Ovun duke nxjerrë me barelë nga një ndërtesë e shembur këtë mëngjes, ndërsa përpjekjet e shpëtimit vazhdojnë në rajonin e Turqisë jugore të shkatërruar nga tërmeti 7.9 ballë.

Në frontin e ndihmës, Ministria e Jashtme vazhdon taë dërgojë ndihma në zonat e prekura nga tërmeti, përfshirë në Siri. Sot në mëngjes është nisur një ngarkesë e re nga aeroporti i Pizës, e cila do të zbresë në Bejrut në orët e ardhshme dhe më pas do të transferohet me rrugë tokësore në Siri.
Bëhet fjalë për 4 autoambulanca dhe 14 mjekë, si dhe ilaçe dhe materiale mjekësore, të ofruara nga grupi San Donato, të cilat do të destinohen për Gjysmëhënën e Kuqe Siriane për ndihmë popullatës në Siri. Zëvendëskryeministri dhe ministri i Jashtëm, Antonio Tajani, ka organizuar gjithashtu një dërgim të ri të ekipeve nga Ambasada Italiane në Ankara dhe nga Njësia e Krizave të Farnesinës në vendet e emergjencës.

Kahramanmarasi, epiqendra e tërmetit të 6 shkurtit, deri më tani ka përjetuar gjithsej 650 pasgoditje. Teksa po hynte në ditën e 6-të të tërmetit, qendra e qytetit në Kahramanmaraş duket e rrënuar. Pamjet tregojnë operacionin e kërkim-shpëtimit në Kahramanmaras, që ndodhet afër epiqendrës së tërmetit të dytë në Turqi

Në foto shihen ndërtesa të shumta që janë shembur në grumbuj mbeturinash dhe shpëtimtarët po kalojnë nëpër rrënoja në temperatura të ftoha. Numri i viktimave deri më tani ka kaluar mbi 24 mijë në Turqi dhe Siri dhe pritet të rritet, ndërsa mijëra të tjerë janë të plagosur.

Pas tërmetit shkatërrues që shkaktoi mbi 23 mijë humbje jetësh në Turqi dhe Siri, kanë nisur hetimet për ndërtesat që u rrënuan. Një prej kontraktorëve të rezidencës “Rilindja” me 250 apartamente në Hatay ku qëndronin 1000 njerëz u arrestua teksa tentonte të arratisej drejt Malit të Zi.

Ai është Mehmet Yaşar Coşkun dhe u kap në aeroportin e Stambollit plot me para teksa përpiqej të largohej. Kontraktori kishte zgjedhur për t’u arrastisur në Malin e Zi, ku ka edhe një firmë konsulence të quajtur 'Antis Yapı', të cilën e themeloi së bashku me vëllain e tij Hüseyin Coşkun, i cili është inxhinier ndërtimi, në Mal të Zi. 

Momentet e shpëtimimeve po shfaqen ende nga rajoni dhe ka ende shpresë për të gjetur dhe shpëtuar njerëz të tjerë nën rrënoja.  Pesë ditë që nga lëkundja e parë me magnitudë 7.9 ballë që goditi Turqinë në orët e para të mëngjesit të së hënës, njerëzit ende po nxirren të gjallë nga rrënojat dhe raste shumë të vështira kanë mundur të përfundojnë me sukses.

Pamjet të ngarkuara në mediat sociale treguan momentin kur një grua shtatzënë dhe vajza e saj e vogël u nxorën me barelë nga një ndërtesë e rrafshuar në qytetin turk të Gaziantep, pasi mbijetuan për 115 orë. Ka pasur gjithashtu njoftime për disa njerëz që janë shpëtuar në zonat e goditura nga tërmeti në Turqi pas 110 orësh – përfshirë një adoleshent.

Video nga një organizatë gjermane për reagim ndaj katastrofave thuhet se tregoi një vajzë duke u nxjerrë e gjallë nga rrënojat në Kahramanmaras pasi ishte bllokuar për më shumë se 110 orë.

Fondacioni i Ndihmës Humanitare të Turqisë publikoi gjithashtu një video që tregon një burrë duke u shtrirë nga rrënojat në një ambulancë aty pranë.

Kur ekipet e shpëtimin nxorën nga rrënojat, Aya, emri i të cilës do të thotë mrekulli në gjuhën arabe, ishte ende e lidhur me kordonin e kërthizës së nënës së saj. Një rrahje zemre e dobët, por e gjallë! Nëna, babi dhe të katër vëllezërit e motra e saj vdiqën, pasi tërmeti goditi qytetin e Jindirës, disa kilometra larg kufirit turk.

Aya tani është në spital. ‘Ajo mbërriti të hënën në gjendje shumë të keqe, kishte gunga, mavijosje, ishte e ftohtë dhe mezi merrte frymë.’ tha Hani Marouf, pediatri i saj. Tani është në gjendje stabël! Khalil al-Suwadi, një i afërm i largët, ishte i pranishëm në shpëtimin e Aya, i cili e çoi atë te mjeku Marouf në Afrin, 26 kilometra në veri.

Për Aya, solidaritetit filloi menjëherë. ‘Do të doja ta birësoja dhe t’i dhuroja një jetë të denjë’, kanë shkruar shumë në rrjetet sociale. Një prezantues i drejtpërdrejtë televiziv kuvajtian tha: ‘Unë jam gati të kujdesem dhe të adoptoj këtë fëmijë... nëse më lejon procesi ligjor’. Drejtori i spitalit, Khalid Attiah, konfirmoi për BBC, se kam marrë dhjetëra telefonata nga njerëz në mbarë botën.

Por Dr Attiah, i cili ka një vajzë vetëm katër muaj më të madhe se Aya, shpjegon: 'Nuk do të lejoj askënd ta adoptojë ende. Derisa të afërmit e saj më të largët të kenë mundësinë të marrin përgjegjësinë, unë do ta trajtoj atë sikur të ishte një nga familja ime.' Dhe nënvizon se si gruaja e tij po e ushqen me gji së bashku me vajzën e saj.

Në qytetin e lindjes së Aya-s, Jindires, si në shumicën e vendeve të prekura nga tërmeti, gërmimet vazhdojnë për të shpëtuar të mbijetuarit. Janë vende nga të cilat popullsia iku në të kaluarën nga terrori i sulmeve kimike dhe bombardimeve nga regjimi i Damaskut. ‘Është një fatkeqësi. Ka kaq shumë njerëz nën rrënoja. Mendoj se 90% e qytetit është shkatërruar. Dhe pjesa më e madhe e ndihmës deri më sot ka ardhur nga popullsia vendase,” shpjegoi një gazetar lokal Mohammed al-Adnan.

Një grua 62-vjeçare në Turqi është shpëtuar pas 108 orëve e mbetur nën rrënoja. Ekipet e shpëtimit nga Koreja Jugore mundën të shpëtonin 64-vjeçaren, Selma Guneş pas kërkimeve të vështira. Pyetja e parë e saj pasi doli nga rrënojat ishte nëse bashkëshorti i saj ishte gjallë.

 “A është burri im gjallë? Nëse nuk është, jeta për mua s’ka kuptim”, dëgjohet duke thënë e moshuara.

62-vjeçarja u dërgua menjëherë në spital dhe gjendja e saj raportohet e stabilizuar. Turqia dhe Siria pas dy tërmeteve të fuqishme kanë regjistruar së bashku rreth 24 mijë viktima.  Ekipet e kërkim-shpëtimit vijojnë gërmimet nën rrënojave me shpresën për të nxjerrë gjallë qytetarët e mbetur poshtë ndërtesave të shembura.