Territorialja, Shpëtim Gjika injoron
qeverinë, s'merr pjesë në Komision

TIRANE — Shpëtim Gjika injoroi dje ftesën e bërë nga ana e Komisionit për Reformën Territoriale në prezantimin e pesë projekteve përfundimtare. Në mbledhjen e  djeshme të komisionit ishin të pranishëm kryetarët e bashkive më të mëdha të vendit si Qazim Sejdini i Elbasanit, Vangjush Dako i Durrësit, Baftjar Zeqo i Fierit etj, por ra në sy mungesa e Shpëtim Gjikës.

Krahas kreut të Bashkisë së Vlorës, dje nuk ishte i pranishëm as kreu i Tiranës, Lulzim Basha, i cili vijoji sërish me qëndrimin bojkotues ndaj nismës për të rindarë territorin e Shqipërisë. Nga ana e politikanëve ra në sy prezenca e kryeministrit të vendit Edi Rama, kreut të Kuvendit, Ilir Meta, kreu i PBDNJ-së Vangjel Dule.

Nga krahu i PS-së ishin të pranishëm Gramoz Ruçi, kreu i grupi parlamentar socialiste si edhe Erjon Braçe, nën kryetari i grupi si edhe kryetar i Komisionit të Ekonomisë. Që të gjithë këto të ftuar nuk mbajtën asnjë fjalë në Kuvend, por dëgjuan prezantimin e pesë projekteve të Ministrisë së Shtetit për Çështjet Vendore. Krahas politikanëve, dje ishin të ftuar edhe ambasadorët e vendeve të Bashkimit Europian si ai i Gjermanisë, Hoffman etj. Prezantimi i projekteve u ndoq me mjaft interes nga ana e të ftuarve që ishin pjesë e mbledhjes së djeshme të Komisionit për Reformën Territoriale.

Redaksia Online
(Gre.M/Shqiptarja.com)