Policia gjermane ka përfunduar mëngjesin e kësaj të diele një operacion të madh i cili filloi pas marrjes së informacioneve në lidhje me një kërcënim të mundshëm të një sulmi terrorist në qytetin jug-perëndimor të Offenburg, afër Shtutgardit, mbrëmjen e së shtunës.
Policia ka ngritur nivelin e sigurisë në qendër të qytetit dhe në transportin publik, pasi dyshohet se sulmi kishe për objektiv një klub nate.
Hetimet janë duke vazhduar, por nuk ka detaje të mëtejshme mbi natyrën e kërcënimit, shkruajnë mediat gjermane.
Një zëdhënës në Offenburg, në shtetin e Baden-Wuerttemberg ka thënë se Gjermania është në gatishmëri të lartë pas sulmeve vdekjeprurës të militantëve islamik në Francë dhe Belgjikë.
Të shtunën, policia në qytetin e Essen ka mbyllur një qendër tregtare, pasi shërbimet e sigurisë paralajmëruan për një sulm të mundshëm.
Redaksia Online
l.q/Shqiptarja.com
![](https://www.shqiptarja.com/template/img/sh_logo1.png)