POP 5

Lajmet më të lexuara të 5 minutave të fundit

Kosova & Rajoni

Terrorizmi, Imami i Prishtinës
Shefqet Krasniqi mbetet në burg

Gjykata e Apelit në Kosovë ka vendosur të rishqyrtojë caktimin e masës së paraburgimit ndaj të pandehurit imamit të xhamisë në Prishtinë, Shefqet Krasniqi. Por pavarësisht kësaj imami do të mbetet në paraburgim deri në një vendim të ri.
Gjykata e Apelit në Kosovë ka vendosur të rishqyrtojë caktimin e masës së paraburgimit ndaj të pandehurit imamit të xhamisë në Prishtinë, Shefqet Krasniqi. Por pavarësisht kësaj imami do të mbetet në paraburgim deri në një vendim të ri.

Njoftimi i Gjykatës së Apelit në Kosovë

KTHEHET NË RIVENDOSJE ÇËSHTJA E CAKTIMIT TË MASËS SË PARABURGIMIT NDAJ TË PANDEHURIT SH. KRASNIQI

Një kolegj penal i Departamentit të Krimeve të Rënda i Gjykatës së Apelit, ka aprovuar ankesën e mbrojtësit të të pandehurit Sh. Krasniqi, lidhur më aktvendimin PPR.KR.453/2014, të datës 19.09.2014, nxjerrë nga ana e Gjykatës Themelore në Prishtinë, sipas të cilit këtij të fundit i është caktuar masa e paraburgimit prej 1 muaji.
Gjykata e Apelit ka vendosur që ky aktvendim të anulohet dhe çështja t’i kthehet Gjykatës Themelore në fjalë për rivendosje. I pandehuri po ashtu do të mbetet në paraburgim deri në marrjen e vendimit të ri- njofton Zyra për Informim e Gjykatës së Apelit.

Sh. Krasniqi dyshohet se ka kryer veprat penale : Shpëlarje e parave nga neni 32 par.2,nënparagrafi 2.5 dhe 2.6 të Ligjit mbi parandalimin e shpëlarjes së parave dhe financimit të terrorizmit; Shtytje për kryerjen e veprave terroriste nga neni 141 i Kodit penal të Kosovës dhe Nxitje e urrejtjes, përçarjes ose mosdurimit kombëtarë, racorë, fetarë apo etnik, neni 174 i këtij kodi.

Kolegji pas shqyrtimit të shkresave të çështjes dhe ankesës së mbrojtësit të të pandehurit Krasniqi, vlerësoi se aktvendimi i atakuar duhet anuluar dhe kthyer për rivendosje për shkak se i njëjti përfshinë shkelje esenciale të dispozitave 187 të KPK-së. Kjo ngase gjykata e shkallës së parë në arsyetimin e aktvendimit të atakuar nuk ka dhënë fare arsyet e duhura dhe vendimtare mbi dyshimin e bazuar se i pandehuri ka kryer veprat penale për të cilat është duke u hetuar.




Redaksia online
(g.f/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Polonia akuzon Rusinë se po planifikon akte terroriste kundër linjave ajrore në mbarë botën

Polonia akuzon Rusinë se po planifikon akte terroriste kundër linjave ajrore në mbarë botën

15 Janar, 22:35