Testi i Maturës, MASh: Bëhet për të
goditur standardin tonë arsimo

TIRANË - “Është tentativë për të ulur punën e palodhur, që kanë bërë stafet mësimore për të kurorëzuar me sukses provimet e maturës”, por dhe "faqja e parë e një testi është shfaqur 30 minuta pas përfundimit dhe jo përpara përfundimit të provimeve", ka shpjeguar zv/ministri i Arsimit, Halit Shamata pak orë pas akuzës sot në media, se testi i provimit të maturantëve në gjithë Shqipërinë ka qenë i kopjueshëm dhe ka rënë edhe në duar të gazetarëve përpara se të përfundonte provimi.  

AKUZA, TENTATIVË E QËLLIMSHME

“Është tentativë për të ulur punën e palodhur, që kanë bërë stafet mësimore për të kurorëzuar me sukses provimet e maturës”. Kështu ka reaguar
zv/ministri i Arsimit, Halit Shamata ndaj akuzës sot në media, se testi i provimit të maturantëve në gjithë Shqipërinë ka qenë i kopjueshëm. Ai pretendohet se ka rënë edhe në duar të gazëtarëve përpara se të përfundonte provimi.  

Shamata ka shtuar se, "teza ishte në përputhje me programin mësimor dhe orientues të lëndës së zhvilluar në shkollën e mesme dhe skema e vlerësimit të testit është publike në faqen zyrtare të Ministrisë së Arsimit dhe Shkencës dhe të Agjencisë së Provimeve".

TESTI ËSHTË SHFAQUR 30 MINUTA PAS DHE JO PARA

Sipas Shamatës, faqja e parë e një testi është shfaqur 30 minuta pas përfundimit dhe jo përpara përfundimit të provimeve, siç pretendojnë mediat. "Pretendimi i një medie për dalje testi, duke shfaqur faqen e parë të një testi 30 minuta pas përfundimit është i qëllimshëm dhe jo rastësisht lidhet me gjimnazin “Qemal Stafa”, saktësoi Shamata.

“Kjo bëhet për të goditur këtë standard mjaft të rëndësishëm të sistemit tonë arsimor; standard që rrit cilësinë e arsimit tonë të mesmë dhe e përafron me vendet europiane”, shtoi Halit Shamata. Ai i ftoi maturantët, prindërit, mediat për një bashkëpunim konstruktiv”, ka bërë thirrje Halit Shamata, i cili më pas nuk u është përgjigjur pyetje të gazetarëve të pranishëmnë konferencën për shtyp, por është larguar.

Shamata ka saktësuar se provimi i parë i maturës shtetërore në lëndën gjuhë shqipe dhe letërsi u zhvillua në 203 mjedise provimi për 50 mijë maturantë në gjithë vendin.

Redaksia Online
(mag/shqiptarja.com)