POP 5

Lajmet më të lexuara të 5 minutave të fundit

Shëndeti

Tetori rozë/ Një në 9 gra që ka kryer kontroll rezulton e prekur me kancer gjiri në Shkodër! Drejtoresha e Shëndetit Publik: Mos hezitoni për tu ekzaminuar

Kanceri i gjirit është sëmundja më e përhapur tek gratë. Në Shkodër rezulton se 1 në 9 gra është prekur nga kjo sëmundje. Apeli i vazhdueshëm i mjekëve është për kryerjen e kontrollit të hershëm me mamografi

Numri i grave të prekura nga kanceri i gjirit është i lartë në qarkun e Shkodrës. Në 6 muajt e fundit, nga 723 kontrolle me mamografi, 79 janë diagnostikuar me këtë sëmundje. Thënë ndryshe 1 në 9 gra të depistuara rezulton me kancer gjirit.

“Është shifër e lartë, na bën të reflektojmë. Është një thirrje për gratë që të mos hezitojnë për tu ekzaminuar”, tha Suida Kuka Drejtore Rajonale OSHKSH.

Muaji tetor i çdo viti, është periudha e sensibilizimit, por edhe e kontrollit për kancerin e gjirit tek gratë, ndaj drejtoresha e Kujdesit Shëndetësor në Shkodër bën apel për kontrolle të vazhdueshme sidomos për gratë e moshës 45 vjeç e lart.

“Në Shkodër kemi dy qendra ku kryhen vizita dhe mamografi , pranë spitalit rajonal dhe pranë klinikës së specialitetit. U bëjmë thirrje grave e vajzave të paraqiten, sidomos 45 vjeç e lart pasi kanë pozivitetin më të lartë”, tha Kuka.

Nga data 12 tetor në rajonin e Veriut do të ketë  dhe mamografi të lëvizshme për depistimin në zonat malore.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Shkodrane: 07/10/2022 13:40

    Mjekja onkologe në spitalin Shkodër refuzon të mjekojë pacientet me kemio me argumentin se "dëmtohet buxheti i shtetit"!!

    Përgjigju
  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Atentat në Vlorë, plagosen me kallashnikov dy persona, transportohen në spital

Atentat në Vlorë, plagosen me kallashnikov dy persona, transportohen në spital

18 Dhjetor, 21:50