POP 5

Lajmet më të lexuara të 5 minutave të fundit

Kosova & Rajoni

Thaçi: Në procesin e dialogut
me Serbinë s’ka kthim mbrapa

Kryeministri i Kosovës, Hashim Thaçi është shprehur optimist se në takimin e radhës me homologun e tij nga Serbia, Ivica Daçiç, do të arrihet dakordimi për planin e zbatimit të marrëveshjes së 19 prillit.
PRISHTINE- Kryeministri i Kosovës, Hashim Thaçi është shprehur optimist se në takimin e radhës me homologun e tij nga Serbia, Ivica Daçiç, do të arrihet dakordimi për planin e zbatimit të marrëveshjes së 19 prillit. Gjithashtu ka theksuar se në procesin e dialogut me Serbinë nuk mund të ketë kthim prapa.

Takimi i radhës Thaçi – Daçiç, pritet të mbahet më 21 maj në Bruksel me ndërmjetësimin e shefes së diplomacisë evropiane, Catherine Ashton.

Thaçi ka thënë para kabinetit të tij qeveritar se pret që me palën serbe të bien dakord në lidhje me detajet e planit implementues të marrëveshjes, ku përfshihen afatet, veprimet, aktorët dhe monitorimi i zbatimit.

“Besoj që do të arrihet marrëveshja në kuptimin e periudhave kohore implementuese dhe akterëve implementues që duhet të jenë institucionet e Republikës së Kosovës, EULEX-i, KFOR-i, OSBE-ja, dhe natyrisht në bazë të përgjegjësisë që del nga marrëveshja për krijimin e rrethanave lehtësuese edhe nga Serbia”, ka thënë Thaçi.

Ndërsa e ka cilësuar si tejet sfiduese zbatimin e marrëveshjes, ai ka vlerësuar po ashtu se implementimi është çështje jetike dhe e domosdoshme për Kosovën.

“Qëllimi dhe vizioni ynë është që të punojmë sa më tepër me të gjithë qytetarët kudo që jetojnë pavarësisht dallimeve etnike. Të punojmë bashkë për realizimin e objektiva të përbashkëta edhe me serbët që jetojnë në veri, në mënyrë që të krijohen rrethana të reja demokratike, të organizimit të zgjedhjeve të lira, të vazhdojmë me investime socio-ekonomike, të krijojmë rrethana të reja për një jetë shumë më të mirë dhe më të sigurt”, është shprehur Thaçi.

Zbatimi i marrëveshjes i ka dhënë mundësinë Qeverisë së Serbisë që të ketë një rol aktiv, sidomos në pjesën veriore.

Në këtë frymë ishte realizuar edhe vizita e fundit e zëvendëskryeministrit Aleksandër Vuçiç në veri të Kosovës, për të bindur serbët e veriut për zbatimin e marrëveshjes.

Ndërkaq në funksion të sensibilizimit dhe zbatimit të marrëveshjes, pritet që qeveritarët serbë të realizojnë shumë vizita tjera në të ardhmen.

Marrë nga "Radio Evropa e Lirë"

Redaksia Online
(e.s/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03