Thaçi: Vizita e Papës dëshmon
orientimin tonë drejt Perëndimit

KOSOVE- Lideri i PDK, Hashim Thaçi, me anë të një postimi në rrjetin social Facebook, ka uruar të gjithë besimtarët e krishterë dhe shqiptarët në përgjithësi mbi rastin e vizitës historike të Papa Françeskut në Shqipëri.

Sipas Thaçit kjo vizitë njerr në pah modelin unik të bashkëjetesës fetare të shqiptarëve dhe dëshmon gjithashtu orientimin strategjik të popullit tonë drejt perëndimit.

Më poshtë deklarata e plotë e Hashim Thaçit në facebook:

“E përshëndes vizitën historike të Papës Françesku në Shqipëri dhe të shpreh mirënjohjen për faktin që ai zgjodhi ta bëj vizitën e tij të parë në Tiranë. Vizita e tij nxjerr në pah modelin unik të bashkëjetesës fetare të shqiptarëve, i ciliduhet të shërbejë si shembull për gjithë botën. Kjo ngjarje dëshmon gjithashtu përcaktimin e popullit tonë për t'u orientuar strategjikisht drejt Perëndimit. Me këtë rast i dërgoj urimet më të perzemërta të gjithë besimtarëve të krishterë, që nesër do ta kenë mysafir në shtëpitë e tyre liderin e tyre shpirtëror. HTH”


 











Redaksia Online
(e.n/Shqiptarja.com)