Thaçi: Shqipëria kandidate e BE-së, inkurajim dhe shtysë për aspiratat euroatlantike të Kosovës
PRISHTINË, 25 Qershor /ATSH-Behlul Jashari/.-Kryeministri i Kosovës, Hashim Thaçi, gjatë mbledhjes së qeverisë përgëzoi Republikën e Shqipërisë, kryeministrin Edi Rama dhe gjithë spektrin politik dhe shoqëror të shtetit shqiptar, nga dje kandidat për anëtarësim në Bashkimin Evropian. “Pa dyshim ky është një lajm shumë i mirë, lajmi më i mirë i mundshëm për […]
Mbledhja e qeverisë së Kosovës
PRISHTINË, 25 Qershor /ATSH-Behlul Jashari/.-Kryeministri i Kosovës, Hashim Thaçi, gjatë mbledhjes së qeverisë përgëzoi Republikën e Shqipërisë, kryeministrin Edi Rama dhe gjithë spektrin politik dhe shoqëror të shtetit shqiptar, nga dje kandidat për anëtarësim në Bashkimin Evropian.
"Pa dyshim ky është një lajm shumë i mirë, lajmi më i mirë i mundshëm për Shqipërinë, për Kosovën dhe të gjithë shqiptarët. Dëshiroj edhe njëherë të uroj të gjithë qytetarët e Shqipërisë, gjithë shqiptarët, për këtë sukses historik. Çdo shqiptar ndihet krenar me këtë arrije", theksoi kryeministri Thaçi.
Kreu i qeevrisë kosovare ritheksoi se edhe Kosova, si një shtet i ri, i mundësive të mëdha, i njohur nga 106 shtete, mbetet e përkushtuar që të punojë drejt përmbushjes së standardeve euroatlantike, që të anëtarësohet sa më shpejt në NATO dhe Bashkim Evropian.
"Kjo është aspirata jonë, ky është qëllimi dhe vizioni ynë dhe kjo është e drejta jonë. Unë dua të besoj se marrja e statusit të kandidatit për anëtarësim në BE nga Shqipëria, do të jetë edhe një inkurajim i ri dhe shtysë edhe për aspiratat euroatlantike të shtetit të Kosovës", u shpreh kryeministri Thaçi.
Ai uroi dhe përgëzoi edhe të gjitha institucionet që janë duke u marrë me procesin e menaxhimit pas zgjedhor, KQZ-në dhe gjithë mekanizmat tjerë, për punën që vlerësoi se janë duke e bërë në afat rekord, për të përmbyllur edhe këtë fazë të procesit elektoral, pas organizimit të zgjedhjeve më të mira të pas luftës në Kosovë, të zgjedhjeve të lira, demokratike dhe transparente.
"Është arritur standardi më i lartë perëndimor, evropian. Tani natyrisht presim çertifikimin e rezultatit zgjedhor dhe përgjigjet e Gjykatës Kushtetuese në pyetjet e parashtruara nga presidentja e Kosovës, Jahjaga dhe pastaj partia fituese dhe koalicioni do të fillojë konkretisht të punojë për formimin e Qeverisë së re të Republikës së Kosovës", tha kryeministri Hashim Thaçi në mbledhjen e qeverisë./k.s/
Sondazhi i ditës:
'Rasti Qefalia', a fshihen gjobat pas akuzave të Këlliçit, Nokës, opozitës?
-
Po
69.1%
-
Jo
19.2%
-
Ndoshta
11.8%
Vota total: 2396
Votat totale janë unike
Lajme të tjera
-
Zgjedhjet në Himarë/ 23 mijë e 74 qytetarë me të drejtë vote! KQZ miraton numrin e fletëve të votimit
20 Korrik, 13:00
-
Zgjedhjet në Himarë, Kolegji Zgjedhor: KQZ të paraqesë projektvendim të ri për afatet
17 Korrik, 14:55
-
PS padit KQZ në Apel: Të miratojnë menjëherë afatet për zgjedhjet në Himarë
15 Korrik, 09:58
-
Zgjedhjet në Himarë/ Celibashi nuk tërhiqet: Heqja e mandatit të Belerit, e drejtë! Vendimi i komisionit rregullator nuk pengon procesin
11 Korrik, 14:38
-
Opozita merr shumicën e komisionerëve të KZAZ në Himarë
11 Korrik, 14:00
-
Dekriminalizimi/ KQZ nis verifikimin e kryebashkiakut të PS në Malësisë së Madhe! PD e akuzon Tonin Marinaj për trafik droge në Itali
11 Korrik, 12:35
-
‘Zgjedhorja’ ambasadori i OSBE-së apel: Emigrantët të votojnë! PD-PS pranojnë dështimin e Reformës, fajësojnë njëra-tjetrën
9 Korrik, 10:23
-
Mero Baze: Pse PD është shqetësuar nga zgjedhjet e reja të 4 gushtit
5 Korrik, 21:03
-
Fatura e zgjedhjeve të 2025-ës më 'e kripur' se e 2021! Qeveria planifikon 20 mln euro, por KQZ kërkon 66 mln euro: Për teknologjinë, votim elektronik në 8 bashki
5 Korrik, 14:05
-
U dënua për blerje votash, Fredi Belerit i hiqet mandati si kryetar i Himarës! Mbrojtja: Ta shkarkonte Rama! Dule: Vijojmë përballjen ligjore
5 Korrik, 10:02
-
Pas kërkesës së PD për verifikimin e kryebashkiakut të Malësisë së Madhe, Prokuroria e Përgjithshme vihet në lëvizje! Letër KQZ
4 Korrik, 14:30
-
Fredi Beleri kërkon të jetë në seancë, shtyhet për nesër vendimi i KQZ për mandatin si kryebashkiak i Himarës
4 Korrik, 11:29