Qeveria kosovare konsideron se janë plotësuar të gjitha parakushtet për fillimin e dialogut për liberalizimin e vizave.

Gjatë takimit të sotëm të Këshillit ministror për integrim evropian, kryeministri, Hashim Thaçi, vlerëson se qeveria mbetet e përkushtuar për zbatimin efektiv dhe në afat rekord të të gjitha kritereve pas hapjes së dialogut për liberalizimin e vizave.

"Viti 2012 do jetë vit i procesit të liberalizimit të vizave për Kosovën",- deklaroi sot kryeministri Thaçi. “Në anën tjetër, pres që Bashkimi Evropian ta trajtojë Republikën e Kosovës si partner të barabartë në kuadër të procesit të liberalizimit të vizave”.

Sipas kryeministrit, të gjitha punët në Qeveri do t’i koordinohen Axhendës Evropiane.