POP 5

Lajmet më të lexuara të 5 minutave të fundit

Sociale

Thahet liqeni i Fierzës, dalin në sipërfaqe shkëmbinjtë! Hidrocentrali me një turbinë, KESH importon energji

Liqeni i Fierzës është kthyer në shkretëtirë. Pamjet që sjell Report Tv tregojnë rënien drastike të nivelit të ujit, si pasojë e mungesës së reshjeve. Aktualisht KESH po blen energji elektrike, pasi prodhimi energjisë në hidrocentral është tejet i ulët

Për shkak të mungesës së reshjeve ka rënë ndjeshëm niveli i ujit në liqenin e Fierzës. Nga pamjet e xhiruara sot në zonën e Bushatit, ujëmbledhësi më i madh në vend tashmë është kthyer në një shkretëtirë dhe është shndërruar në një vijë ku rrjedh Drini i Zi.

Thatësira e madhe ka nxjerrë mbi sipërfaqe dhe masive të shkëmbinjve që dikur ishin të mbuluara ndërsa në shtratin e tij tani kanë mbetur varkat e peshkatarëve.

Kuota aktuale ka zbritur në 267 metra mbi nivelin e detit ndërsa kuota maksimale është 296 metra. Prurjet kanë rënë me 40 metër kub ujë në sekondë dhe aktualisht hidrocentrali i Fierzës punon me një turbinë.  Ndërkohë mungesa e reshjeve dhe temperaturat e larta kanë rikthyer importin e energjisë elektrike.

Gjatë shtatorit dhe tetorit KESH ka nisur blerjet në tregun e lirë për të siguruar furnizimin me energji të vendit në kushtet kur edhe nivelet e Kaskadës janë ulur por edhe optimizmit të prodhimit të saj.

Sipas parashikimeve meteorologjike këtë javë priten reshje shiu çka mund të ndikoj në shtimin e prurjeve dhe si rezultat në rritjen e prodhimit te energjisë.

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si i vlerësoni protestat e dhunshme të Rithemelimit tek Bashkia?

Lajme të tjera



×

Lajmi i fundit

Kukësi, skuadra që mund të shkojë në Evropë nga Kategoria e Parë

Kukësi, skuadra që mund të shkojë në Evropë nga Kategoria e Parë

28 Prill, 17:15