POP 5

Lajmet më të lexuara të 5 minutave të fundit

Kosova & Rajoni

‘Thanas po digjem’, fjalët e fundit të 65-vjeçares që u dogj në fabrikën ku punonte në Greqi! Trupi i saj u gjet në banjë, u përpoq të mbrohej

Një grua ka ndërruar jetë si pasojë e zjarreve që përfshinë Greqinë ditët e fundit. 65-vjeçarja u gjet e vdekur në banjën e biznesit ku punonte, ku ishte futur për t'u mbrojtur, por ishte e kotë. Biznesi thuhet se u përfshi nga flakët nga një pishë që digjej

‘Thanas po digjem’, fjalët e fundit të 65-vjeçares që u dogj në fabrikën ku punonte në Greqi! Trupi i saj u gjet në banjë, u përpoq të mbrohej

65-vjeçarja që u gjet e djegur nga flakët

GREQI- Një grua ka ndërruar jetë si pasojë e zjarreve që përfshinë Greqinë ditët e fundit. 65-vjeçarja u gjet e vdekur në banjën e biznesit ku punonte, ku ishte futur për t'u mbrojtur, por ishte e kotë. Biznesi thuhet se u përfshi nga flakët nga një pishë që digjej.

Nadia, e cila ishte me origjinë nga Moldavia, kishte më shumë se 20 vite që punonte në fabrikën Patima Chalandriu.

Kolegët e saj, me lot në sy, lanë disa lule të bardha në trotuare për t'i dhënë lamtumirën Nadias punëtore dhe gjithmonë të buzëqeshur që la pas dy fëmijë.

“E pashë zjarrin, dhe e mora në telefona Nadian dhe ajo më tha ‘Thanas po digjemi, mbylle telefonin’. Ajo ishte e frikësuar... ", tha një nga kolegët e saj, shkruan Protothema.

Kolegët vendosin lule të bardha

Gruaja fatkeqe, nuk arriti të dilte nga biznesi, i cili është shkrumbuar krejtësisht. Të gjitha pajisjet janë shkrirë, ndërsa një pjesë e saj është shembur nga tavani.

Gjatë gjithë natës djali i pronarit me zjarrfikësit dhe disa punonjës ishin në kërkim të gruas fatkeqe, e cila u gjet e bllokuar në tualetin e punishtes. Ditën kur humbi jetën, 65-vjeçarja do të niste pushimet.

“Më telefonoi dhe më tha se “është në zjarr”. Unë i thashë asaj 'çfarë po bën atje' dhe më pas linja u shua.’- tha pronari i fabrikës.

Që në atë moment linja u shkëput dhe nuk e dinte çfarë kishte ndodhur derisa u gjet në banjo e shkrumbuar nga flakët.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Serbia i refuzon ministrit të Brendshëm të Kosovës kërkesën për vizitë në Luginën e Preshevës

Serbia i refuzon ministrit të Brendshëm të Kosovës kërkesën për vizitë në Luginën e Preshevës

25 Dhjetor, 13:52