Dëme të mëdha në bujqësi ka shkaktuar thatësira e tejzgjatur në zonën e Lezhës.

Temperatura të larta gjatë kësaj vere kanë tharë të mbjellat e lezhjanëve, gjë që ka sjellë probleme në jetesën e tyre.

Ky fakt bëhet i ditur nga Drejtori i Bujqësisë,  Ndoc Lleshi sipas të cilit shumë kultura bujqësore janë tharë, kjo për faktin se në shumë zona mungon dhe sistemi vaditës.

"Vera e tejzgjatur dhe temperaturat e larta mbi normë, si për gjallesat edhe bimësinë ndikimi negativ ka qenë i jashtëzakonshëm. Këto pasoja kanë qenë të përshkallzuar sipas llojeve, sipas kulturave, por kryesisht tek bimët e arave tek bimët që kërkojnë ëmë shumë ujë. Jemi shumë larg pritshmërive dh statistikave të shkuara ku Lezha ka pasur një sipërfaqe të madhe të vaditshme" thotë Lleshi.
 
Brenda pak ditësh specialistët e bujqësisë do të nisin përllogaritjen e dëmeve të shkaktuara gjatë verës, por ende nuk dihet nëse fermerët e dëmtuar do të dëmshpërblehen apo jo. Kjo situata ka penalizuar shumë familje në rajonin e Lezhës pasi burim jetese kanë vetëm bujqësinë.

Redaksia Online
J.Sh Shqiptarja.com