POP 5

Lajmet më të lexuara të 5 minutave të fundit

Kronikë

'The Telegraph': Shqiptarët kontrabandojnë fëmijët në tregtinë e drogës në Britani

Gazeta shkruan se numri i të rinjve shqiptarë që po trafikohet në mënyrë të paligjshme në Britani të Madhe me premtimin se do të fitojnë mijëra paund nga shitja dhe transporti i drogës për bandat është në rritje

'The Telegraph': Shqiptarët kontrabandojnë fëmijët në tregtinë e drogës në Britani

Sipas ‘The Telegraph’, prindërit në Shqipëri po trafikojnë djemtë e tyre adoleshentë në Mbretërinë e Bashkuar për t’u bashkuar me bandat e krimit të organizuar që kontrollojnë pjesë të mëdha të tregut të kokainës në Britani.

Gazeta shkruan se numri i të rinjve shqiptarë që po trafikohet në mënyrë të paligjshme në Britani të Madhe me premtimin se do të fitojnë mijëra paund nga shitja dhe transporti i drogës për bandat është në rritje.

‘Të dhënat nga gjykatat tregojnë se shqiptarët adoleshentë që kryesisht hynë në Mbretërinë e Bashkuar të fshehur në kamionë janë ndjekur penalisht në qytete në të gjithë vendin, nga Selkirk deri në Bath, Deusbury deri në Shrewsbury dhe Londër në Glasgou, pasi u kapën me drogë me vlerë deri në 200,000 paund’.

 “Shumica e djemve dhe të rinjve shqiptarë trafikohen me dakordësimin e prindërve të tyre dhe premtimin për shpërblim financiar nga trafikantët,” tha Steve Harvey, një specialist ndërkombëtar i zbatimit të ligjit, i cili ka paraqitur provat e tij në një hetim të Zyrës së Brendshme në lidhje me problemin.

“Familjarët janë afruar nga trafikantët dhe janë angazhuar në bazë të mënyrës se si do të përfitojnë financiarisht nga marrëveshja. Për më tepër, familjet janë trafikante dhe fëmijët shihen dhe përdoren si burime.”

“Trafikantët dhe shfrytëzuesit u premtojnë atyre para, shumë para, dhe ata u premtojnë atyre një punë ose kur djemtë janë të mitur ata u premtojnë atyre strehim, ose rroba, gjërat që ata duhet të kenë,” i tha një burim anonim ‘The Telegraf’.

“Në disa raste, anëtarët e familjes ishin drejtpërdrejt përgjegjës për rekrutimin dhe shfrytëzimin e viktimave të trafikimit mashkull.”

Gangsterët, veçanërisht bandë rruge ‘Hellbanianz’ e djemve shqiptarë në jug të Londrës, promovojnë stilin e jetës së tyre tek adoleshentët në vendlindje përmes mediave sociale.

/G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46