Një ngjarje  e rëndë është shënuar pak minuta më parë  në Parkun Kombëtar të Thethit, ku një punonjës  i administratës  së Zonave të Mbrojtura, ka rrëshqitur  duke rënë në humnerë.Nga të dhënat e para mësohet se punonjësi  është Pëllumb Guri, i cili është rrëzuar teksa montonte disa kamera sigurie .

Report TV ka mësuar se punonjësi Guri,  ka thyer këmbën  dhe po transportohet me helikopter drejt Spitalit të Traumës në Tiranë. Forcat RENEA kanë ndërhyrë dhe kanë bërë të mundur nxjerrjen e të plagosurit nga humnera në Parkun Kombëtar të Thethit.

Njoftimi i plotë i policisë së Shkodrës në lidhje me plagosjen e inspektorit të pyjeve në Theth.

Shkodër 

Informacion Paraprak 

Me datë 17.10.2017 rreth orës 14:00 ka ardhur një telefonatë në sallën e Komandimit se në fshatin Theth, Inspektori i zonave të mbrojtura dhe pyjeve shtetasi P. G. duke ecur në këmbë në vendin e quajtur Qafë Thore ka rënë nga një shkëmb duke rënë poshtë mes shkëmbijve, i cili për pasojë ka thyer këmbën.

Menjëherë është kërkuar ndihma e Reneas meqënëse terreni ishte i veshtirë për nxjerrjen e tij. 

I dëmtuari është nxjerrë nga një efektiv i Reneas dhe është transportuar në një vend më të përshtatshëm ku është marrë nga helikopteri i shëndetësisë.

Redaksia Online
N.M/Shqiptarja.com