POP 5

Lajmet më të lexuara të 5 minutave të fundit

Thethi i izoluar nga dëbora, banori: Turp që s’ndërhyhet nga bashkia, kemi kërkesa për të punuar me turistët edhe në dimër

Reshjet e dendura të dëborës kanë bllokuar sërish zonën e Thethit, duke izoluar gati 300 familje. Në një lidhje telefonike për Report Tv, Nard Polia, një nga banorët e Thethit ka thënë se janë rreth 300 familje që jetojnë në të gjithë zonën dhe janë të bllokuar. Banori ka pohuar se nuk ka probleme me energjinë elektrike dhe me ujin, por vetëm me rrugën. Banori ka kërkuar ndërhyrje nga bashkia, pasi sipas tij, ka patur kërkesa për  të vizituar Thethin nga turistët edhe në dimër.

Situata është përkeqësuar sepse ka rënë borë e re mbi borën e vjetër. Ne nuk kërkojmë ndërhyrje urgjente po kërkojmë ndërhyrje kur dëbora të pushojë të rëni, sepse kemi kërkesa për të punuar me turistët edhe gjatë dimrit. Është një turp që nuk ndërhyhet nga bashkia Shkodër, sepse ata po prezantohen me Thethin nëpër botë.  Jetojnë 45 familje gjithmonë në Theth, ndërkohë që e gjithë zona përfshin rreth 300 familje. Pra, 300 familje janë pa ndihmë. Bora ka nisur të bjerë që dje deri më sot. Ka arritur diku tek 40-50 cm dhe vazhdon të jetë më shumë në zonë më të lartë. nuk ka probleme as me energjinë as me ujin.

Nard Polia, banor


Lajmi kryesor:

Shqipëria nën 'pushtetin' e dëborës/ Ndërpritet mësimi në 280 shkolla, bllokohet Rruga e Kombit/VIDEO


/r.k./Shqiptarja.com
Komento

Komente

  • redi: 09/01/2019 14:03

    Ne rast se bashkia nuk i pergjigjet thirrjes se banoreve te Thethit qe mbahen nga turizmi , atehere te veproj prefektu dhe ushtria

    Përgjigju