Thirrja për policinë në fushatë,
Vasili: Ja pse e paditëm Ramën

Kryetari i LSI, Petrit Vasili ka reaguar pas padisë që bëri ndaj kryeministrit për thirrjet, që Rama bëri pak ditë më parë që policia të dilte në fushatë dhe të mblidhte vota për PS.
 
Vasili shpjegon arsye se përse vendosi që LSI të depozitonte padinë ndaj kryeministrit, edhe pasi Rama kërkoi ndjesë publike.
 
Kryetari i LSI shprehet se nuk ka dy drejtësi, një drejtësi për kryeministrin që e kalon me një "më fal" dhe një drejtësi tjetër për specialistin e thjeshtë të një ndërmarrjeje publike, i cili mund të jetë pushuar menjëherë nga puna për një foto të gjetur diku nga task-forca.
 
Pavarësisht se kreu i qeverisë kërkoi falje, LSI dje paditi kryeministrin Edi Rama për thirrjen që u bëri policëve për pjesëmarrje në fushatë zgjedhore.
 
Statusi i Petrit Vasilit
Më kanë pyetur se pse shkuam në padi ndaj kryeministrit për thirrjen e punonjësve të Policisë së Shtetit për pjesëmarrje në fushatë elektorale edhe pasi ai kërkoi ndjesë publike. Ja pse: Sepse nuk ka dy drejtësi.
 
Një drejtësi për kryeministrin që e kalon me një "më fal" dhe një drejtësi tjetër për specialistin e thjeshtë të një ndërmarrjeje publike, i cili mund të jetë pushuar menjëherë nga puna për një foto të gjetur diku nga task-forca me të cilën po bashkëjetojmë në kushte të panatyrshme.
 
 dy.b/shqiptarja.com