Ministrja për Evropën dhe Punët e Jashtme, Olta Xhaçka, mori pjesë në takimin e nivelit të lartë "Thirrje për Veprim Global për Sigurinë Ushqimore", në OKB, me ftesë të Sekretarit amerikan të Shtetit, Antony Blinken.
Takimi mblodhi së bashku përfaqësues të lartë shtetesh, përfaqësues të organizatave ndërkombëtare dhe partnerëve për të diskutuar mbi nevojat urgjente humanitare dhe zhvillimore, si dhe për të identifikuar hapat për adresimin e sigurisë globale ushqimore.
Ministrja Xhaçka u shpreh se Shqipëria mbështet rolin e OKB si një aktor kyç për adresimin e krizave ushqimore në botë. Thirrjen për Veprim për Sigurinë Globale Ushqimore, e cilësoi si nismën në kohën e duhur për përballimin e krizave që po thellohen dita ditës.
“Më shumë njerëz janë në rrezik, më shumë njerëz po shkojnë drejt varfërisë dhe ajo që është po aq shqetësuese është se kriza paraqet një kërcënim serioz për paqen dhe stabilitetin e shumë vendeve dhe rajoneve”, u shpreh kryediplomatja.
Ajo shtoi se pavarësisht pikëpamjeve të ndryshme mes shteteve, mbetet një përgjegjësi e përbashkët bashkëpunimi për të thyer rrethin vicioz të konfliktit dhe adresuar pasigurinë ushqimore.
“Shqipëria është e angazhuar të punojë së bashku në identifikimin e sfidave, zgjidhjeve dhe të mbështesë punën e agjencive të specializuara të Kombeve të Bashkuara për të arritur zgjidhje afatshkurtra dhe afatgjata për krizën globale të sigurisë ushqimore”, përfundoi fjalën e saj ministrja Xhaçka.
Sekretari i Përgjithshëm i Kombeve të Bashkuara, Antonio Guterres dhe zyrtarë të tjerë të lartë të OKB-së informuan ministrat për rritjen e pasigurisë ushqimore, ndikimin global të saj, si dhe hapat që OKB-ja po ndërmerr në përgjigje ndaj pasigurisë ushqimore në mbarë botën.
Krizat aktuale të konfliktit në mbarë botën, pasojat e pandemisë, lufta në Ukrainë kërcënojnë të destabilizojnë shoqëritë e brishta, të thellojnë varfërinë ekstreme, të rrisin urinë, të zgjerojnë nevojat humanitare, të rrisin migrimin dhe të shkaktojnë krizë të mëtejshme ekonomike.
Lajme të tjera
-
Autoritetet e reja të Sirisë të hapura për hetimin e krimeve të Assadit
24 Dhjetor, 08:26 -
Jemeni sulmon Izraelin me raketë, 16 të plagosur në Tel Aviv!
21 Dhjetor, 22:50 -
Lindja e Mesme/ Al Jolani: Nuk duam konflikte, edhe gra në qeverisje! OKB: Procesi politik në Siri të jetë gjithëpërfshirës! Hapet aeroporti i Damaskut
18 Dhjetor, 09:34 -
Lufta në Gaza e Siri, Trump telefonatë me Netanyahun: Marrëveshje për pengjet dhe armëpushim, ndryshe...! Al-Jolani takon të dërguarin e OKB
16 Dhjetor, 08:33 -
I dërguari i OKB-së në Siri thirrje për heqjen e sanksioneve nga BE dhe SHBA
15 Dhjetor, 16:22 -
Odiseja e 'Xhaçkës' s'ka fund! Bardhi kërkon rivotim në Kuvend! Vë në dijeni dhe ambasadat
13 Dhjetor, 14:22
-
OKB e shqetësuar për përshkallëzimin e dhunës në Mianmar
13 Dhjetor, 07:29 -
OKB miraton rezolutë për armëpushim të menjëhershëm në Gaza, pranohet nga shumica! Izraeli dhe SHBA kundër
12 Dhjetor, 13:54
-
Debate në Kuvend për Opinionin e Venecias për Xhaçkën/ Bardhi: Shpikët një opinion që nuk ekziston! Bushka: Autonomia parlamentare fitoi të drejtën
12 Dhjetor, 12:53 -
Berisha: Belindën mos e thërrisni më Lubi Balluku, por Lubi Loti! Si mund të ndahen 13 km rrugë në 14 kontrata?! Në 11 maj PS do pësojë disfatë të thellë
12 Dhjetor, 12:45 -
Blinken udhëtim në Lindjen e Mesme, ndërsa Siria është në udhëkryq pas përmbysjes së Assadit
12 Dhjetor, 08:20 -
Moska: Bashar al-Assad strehohet në Rusi! Irani: Terroristët do të sulmojnë Irakun
11 Dhjetor, 07:40
