PD denoncon kryebashkiakun e radhës: Malaj i dënuar për armëbajtje pa leje. KQZ: E ka deklaruar! (VIDEO)

TIRANË- Sekretari i përgjithshëm i PD-së Gazment Bardhi me anë të një deklarate në seli i ka kërkuar Prokurorisë së Përgjithshme verifikimin e të kaluarës të isht -gardistit Agron Malaj, që sot është kryetar bashkie në Burrel i dalë nga zgjedhjet e 30 qershorit.

Megjithëse sipas Komisionit Qendror të Zgjedhjeve Agron Malaj e ka deklaruar dënimin e tij dhe kjo nuk përbën kusht për mosregjistrimin si kandidat në zgjedhje, PD hedh akuza duke pretenduar të kundërtën.

" Komisioni Qendror i Zgjedhjeve, referuar pikës 2, paragrafi i fundit, të Kreut V të vendimit nr.17/2016 të Kuvendit konstaton se dhënat e deklaruara nuk përbëjnë kusht për mosregjistrimin si kandidatit sipas ligjit 138/2015. Gjithashtu KQZ ka bërë publikimin e formularëve të vëtëdeklarimit në faqen zyrtare të internetit. Referuar nenit 33, gërma f të Kodit Zgjedhor, Komisioni i Zonës së Administrimin Zgjedhor ka kompetencën për regjistrimin e kandidatëve për zgjedhjet e organeve të qeverisjes vendore, në ato bashki të cilat administrohen nga një KZAZ" thuhet në vendimin e KQZ për verifikimin e Formularit të Vetdeklarimit të Agron Malajt.

 Sipas Bardhit, Agron Malaj rezulton se ndodhet në kushtet e ndalimit për të kandiduar në një funksion publik pasi sipas tij është dënuar me vendim gjyqësor të formës së prerë për armëmbatje pa leje dhe sipas ligjit për demkriminalizimin i ndalohet kandidimi për jetë në një funksion publik. 

Agron Malaj

Bardhi publikoi edhe vendimin e Gjykatës, ku në të thuhej se Malaj ishte dënuar 10 muaj heqje lirie. 

“Sot PD i ka kërkuar zyrtarisht prokurorisë verifikimin e të kaluarës kriminale të Edi Ramës së Matit. Agron Malaj i dënuar me vendim gjyqësor të formës së prerë për armëmbajtje pa leje dhe i ndalohet kandidimi përjetë për një funksion publik. PD i kërkon Prokurorisë së Përgjithshme dhe më pas KQZ të veprojë pa asnjë vonesë për administrimin e vendimit zyrtar të gjykatës së Matit dhe heqjen e mandatit për kreun e bashkisë së Matit Agron Malaj”, tha Bardhi.

Dokumenti i vendimit për dënimin e Agron Malaj

Kujtojmë se ky është rasti i pestë që PD denoncon pas atij të Shkodrës, Vorës, Baut të Dejës dhe Mallakastrës.

"Sot Partia Demokratike i ka kërkuar zyrtarisht Prokurorisë së Përgjithshme verifikimin e të kaluarës kriminale të Edi Ramës së Matit. Agron Malaj rezulton se ndodhet në kushtet e ndalimit për të kandiduar në një funksion publik. Ai është i dënuar me vendim gjyqësor të formës së prerë për armëmbajtje pa leje, dhe sipas ligjit për dekriminalizimin, i ndalohet kandidimi përjetë në një funksion publik. Ky është rasti i pestë pas atij të Shkodrës, Vorës, vaut të Dejës dhe Mallakastrës, që konfirmon se Edi Rama ka ardhur në pushtet falë mbështetjes së krimit dhe ndan pushtet me krimin. Ky është vendimi i Gjykatës që konfirmon dënimin me vendim gjyqësor të formës së prerë të Agron Malajt, të kandidatit të Edi Ramës për Bashkinë e Matit. Partia Demokratike i kërkon Prokurorisë së Përgjithshme dhe më pas Komisionit Qëndror të Zgjedhjeve të veprojë pa asnjë vonesë me administrimin zyrtar të vendimit të Gjykatës së Matit dhe për heqjen e menjëhershme të mandatit për Kryetarin e Bashkisë së Matit, Agron Malaj. Sot është koha që ligji të veprojë, dhe është koha që Edi Rama të mos fshihet pas Agron Malajt, Qerim Ismailajt, Valdrin Pjetit, Agim Kajmakut apo Mark Babanit por të dalë dhe të marrë përgjegjësi dhe t’u shpjegojë qytetarëve shqiptarë se përse alternativa e tij e vetme është krimi. Përse kandidon në bashkitë bastion të Partisë Demokratike individë me të shkuar kriminale, përse tenton të fusë në politikë individë me të shkuar kriminale." tha Bardhi. 

( Kliko këtu ) Shkresa e plotë e PD

 

( Kliko këtu ) Vendimi i plotë i KQZ për Agron Malaj

/r.k./Shqiptarja.com

TAG:
• PD
• gazmend bardhi
• agron malaj