Tifozi kuq e zi përshkruan atmosferën në Dortmund: Shqiptarë nga kudo, kam takuar pas 4 vitesh disa miq nga Amerika

 

Rrugët e Dortmundit janë skuqur nga tifozët dhe flamunjt e pafund kuq e zi, në kudër të ndeshjes Itali-Shqipëri.

Për Report Tv, Nik Milori, një tifoz i flaktë i Kombëtares, ka theksuar atmosferën unike dhe të paparë ndonjëherë në ndeshjet e Kombëtares tonë.

Nga miqësia e ngushtë mes dy vendeve, ai dëshiron që ndjeshja të përfundojë barazim.

“Unë me zemër italiani do ikja i kënaqur 1 me 1 dhe si shqiptar”,-është shprehur ai.

Milori tregon janë jashtëzakonisht shumë shqiptarë që kanë ardhur nga e gjithë diaspora, në mbështetje të Shqipërisë.

“Kam takuar pas 4 vitesh miqtë e mi nga Amerika dhe janë të shumtë, ta siguroj që janë të shumtë. Duke bërë shaka me miq të tjerë, sot të marrësh dikë në telefon të zgjidhësh hall e të thotë ku je sa jam në Dortmund, erdha”,-tha me nota humori Nik Milori.

Lajmi kryesor:

Jehonë kuqezi në Dortmund, tribunat e stadiumit vishen kuqezi! Report Tv sjell atmosferën elektrizuese

K.M/E.H/Shqiptarja.com

TAG:
• Kombetarja shqiptare
• euro 2024
• gjermani
• dortmund