SPANJË - Policia Kombëtare spanjolle, në bashkëpunim me Agjencinë Spanjolle të Taksave, Europol dhe INTERPOL, kanë çmontuar një grup të krimit të organizuar, i dyshuar për fiksimin (trukimin) e ngjarjeve sportive si dhe përdorimin e teknologjisë për të vendosur baste të palejuara.
Deri më tani janë arrestuar 23 të dyshuar, mes të cilëve edhe një nga drejtuesit e grupit, i cili u kap në bazë të njoftimit të kuq të INTERPOL-it për persona në kërkim ndërkombëtar. Operacioni filloi në vitin 2020 kur oficerët spanjollë zbuluan një seri bastesh sportive të dyshimta në internet të vendosura në ngjarje ndërkombëtare të pingpongut.
Pas analizimit të të dhënave të disponueshme, hetuesit identifikuan një rrjet kriminal me origjinë rumune dhe bullgare. Anëtarët e kësaj rrjete krimi fiksuan ndeshje jashtë Spanjës duke korruptuar sportistët. Pasi të binin dakord me rezultatet, anëtarët e grupit të krimit me bazë në Spanjë vendosnin baste online në një shkallë masive.
Pamje nga operacioni
Nëpërmjet hetimeve të tyre, oficerët zbuluan një proces kriminal ku grupi do të kishte akses në informacionin e ndeshjeve përpara kompanive, duke i lejuar ata të vendosnin baste me siguri dhe në fund të merrnin para. Nëpërmjet teknologjisë së përparuar, ata fituan akses në sinjale video live nga e gjithë bota, direkt nga stadiume, fusha dhe arena. Përgjimi i këtyre sinjaleve u dha atyre një avantazh të qartë për prodhuesit e basteve (bookmaker), të cilët vareshin nga furnizimet satelitore më të ngadalta për të njëjtat ngjarje.
Procesi u përsërit në ligat e futbollit aziatik dhe të Amerikës së Jugut, UEFA Nations League, Bundesliga, Katar 2022 ndeshjet e Kupës së Botës dhe turnetë e tenisit ATP dhe ITF. Pavarësisht mbledhjes së pagesave të konsiderueshme, grupi shmangu zbulimin duke përdorur një mori identitetesh dhe llogarish. Mes të arrestuarve ishte edhe një tregtar nga një bookmakers i madh, i cili në bashkëpunim me grupin kriminal do të vërtetonte bastet online të vendosura nga rrjeti kriminal.
Pamje nga operacioni
“Grupet e krimit të organizuar do të shfrytëzojnë boshllëqet më të vogla që i jepet mundësia. Në këtë rast, ne po flasim për një avantazh prej 20 ose 30 sekondash që çoi në përfitime të konsiderueshme”, tha Sekretari i Përgjithshëm i INTERPOL-it, Jürgen Stock.
“Operacionet e suksesshme si ai i udhëhequr nga Spanja vetëm riafirmojnë angazhimin tonë për të siguruar që e gjithë grupi ynë i njoftimeve, bazave të të dhënave dhe rrjeteve të ekspertëve të mbështesin plotësisht policinë në mbylljen e këtyre boshllëqeve,” përfundoi z. Stock.
Lajme të tjera
-
Ekstradohet një 62-vjeçar nga Gjermania, akuzohet se kanosi një shtetase për t'i marrë 5000 euro, i ngacmoi seksualisht mbesën
21 Nëntor, 15:29 -
'The New York Post': Evropa përgatitet për Luftën e Tretë Botërore, dokumentet sekrete gjermane zbulojnë planet
21 Nëntor, 08:26 -
Rafael Nadal tërhiqet zyrtarisht nga tenisi
20 Nëntor, 22:27 -
Në kërkim nga autoritet shqiptare, i riu vetëvritet në Spanjë! Mik i ngushtë i Cllevio Serbianos
20 Nëntor, 10:37 -
Pjesë e grupit që xhironte 10 mijë euro kokainë në ditë, 32-vjeçari shqiptar kapet në Spanjë dhe ekstradohet në Itali! E shpërndanin me makina luksoze të shpejta
18 Nëntor, 17:05 -
Evropa duhet të reagojë pas fitores së Trumpit
18 Nëntor, 07:44
-
Të paktën dhjetë të vdekur pas zjarrit në një shtëpi të pleqve në Spanjë
15 Nëntor, 12:30 -
Spanjë/ Rikthehen përmbytjet, Malaga më e rrezikuara! Mbyllen shkollat dhe evakuohen banorët
13 Nëntor, 22:31 -
Alban Daci: Trump dhe Europa!
13 Nëntor, 14:08
-
VIDEO/ Barcelona pëson humbjen e dytë, baskët e Real Sociedad e mposhtin me një gol
10 Nëntor, 23:00 -
2024 pritet të jetë viti më i nxehtë në histori
10 Nëntor, 20:12 -
VIDEO/ Përplasje të dhunshme mes policisë dhe protestuesve në Valencia të Spanjës
10 Nëntor, 16:47
