Tingujt rrok të grupit ikonik Nirvana, transformohen nga violonçelisti Redi Hasa: Muzika është liria e shpirtit, shpresoj ta prezantoj në Shqipëri

Nirvana, sa prej jush ju ngjall nostalgjinë e një muzike legjendare aq sa edhe utopike. Imagjinojini tingujt rrok të një muzike ‘old school’ të shndërruar bukur nga violonçeli.

Kjo risi, vjen për herë të parë nga një artist shqiptar i cili jeton në Itali, Redi Hasa. Gjithkush që preferon këtë rrymë muzikore e ka hasur së paku njëherë Redin, i cili shquhet për origjinalitetin por edhe për ruajtjen me fanatizëm të muzikës së grupit Nirvana. I ftuar në Report Tv nga ngazetari Andi Kapxhiu, Redi rrëfeu për punimin e tij të fundit dhe se do të kishte kënaqësi ta prezantonte me publikun emocionin që i fal ky art.

‘Kemi luajtur te Konservatori së basku me Bojken Lako një pjesë të Nirvana. Ishte interesante ta ktheja në atë kohë dhe të shihja si dukej në vitin 2022. Jam shumë i kënaqur sepse është një punë totalisht e imja, normalisht duke mbajtur thelbin e Nirvanave dhe duke ruajtur atë energjinë e tyre.

Videon e ka bërë Ana Shemata dhe ajo me talentin e saj ka sjellë gjithë momentin që ne përjetonim kur kam jetuar në Shqipëri, Është një muzikë që e dëgjoja çdo ditë. Ne po jetonim eksodin, një utopi jashtë masë të fortë aso kohe që e mbajmë sipër shpatullave. Dhe muzika dikur ishte liri e shpirtit. Ndaj unë doja ta ndaloja atë moment dhe ta bëja timin dhe a përcillja drejt publikuar gjithë emocionin.’- tha Redi Hasa në Report Tv.   

I pyetur se kur do të dalë albumi, Redi zbuloi datën si dhe shprehu kënaqësinë e performimit në Tiranë.

‘Albumi do të dalë më 11 nëntor.  Shpresoj jashtë mase dhe të bëj një prezantim të diskut Nirvana në Shqipëri.’- tha ndër të tjera artisti.

Grupi 'Nirvana' 

G.MO/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Qeveria shtyn zbatimin e fashës 800 kWh për çmimin e energjisë, mendoni se është zgjidhja e duhur?



×

Lajmi i fundit

Akademia e Shkencave risjell për herë të dytë në Shqipëri një nga konferencat më mëdha të shkencës

Akademia e Shkencave risjell për herë të dytë në Shqipëri një nga konferencat më mëdha të shkencës