TIRANE- Një automjet është përfshirë nga flakët në autostradën Tiranë-Durrës pasditen e sotme. Makina e djegur është e tipit “Renault”, pa targa, pasi pronari i saj Sokol Fiku, sapo e kishte blerë dhe po shkonte të bënte dokumentacionin.
 
Fatmirësisht nga zjarri nuk ka pasur të lënduar.
 
Policia dhe zjarrfikësja kanë mbërritur në vendin e ngjarjes. Ndërsa dyshohet se shkak i zjarrit është bërë një defekt teknik në automjet.
 
Policia ndërkaq po punon për zbardhjen e plotë të ngjarjes.

Redaksia Online
(e.s/shqiptarja.com)