TIRANE- Një 18-vjeçar nga Tirana ka rënë në prangat e policisë pasi akuzohet për një sërë vjedhjesh në supermarkete, ndërsa është identifikuar bashkëpunëtori i tij. I arrestuari Hermes Arapi, banues në Laprakë, dhe Marsel Saliu, 19 vjeç, janë dënuar edhe më parë për vjedhje, përkatësisht nga 4 dhe 3 herë. Ndërkaq u arrestua në flagrancë edhe 40-vjeçari Gëzim Halili, pronar i një supermarketi, i cili merrte dhe shiste, produktet e sendet e vjedhura nga dy të rinjtë në supermarketet e tjera.
 
Halili akuzohet për veprën penale të “Përvetësimit të mallrave që rrjedhin nga vepra penale ose veprimtaria kriminale“ parashikuar nga neni 278/b i Kodit Penal.
 
Gjatë kontrollit të policisë janë sekuestruar në cilësinë e provës materiale një sërë sendesh një sërë senshëm të cilat ishin vjedhur në dyqanin e ndodhur në rrugën “Myslym Shyri”, me datën 06.05.2014, ora 21:00.
 
Sipas policisë së Tiranës, “këta shtetas rezultojnë të jenë autorë të vjedhjeve të dyqaneve më datë 03.03.2014, Më datën 18.03.2014, Më datë 24.03.2014, Më datë 27.03.2014, Nr.Unik TRK 2140440”.
 
Materialet procedurale në ngarkim të këtyre shtetasve ju kaluan Prokurorisë së Rrethit Gjyqësor Tiranë. Neni 134 i Kodit Penal”.
 
Redaksia Online
(e.s/shqiptarja.com)