Ndeshja e parë e javës së 10-t të Superligës mes Kamzës dhe Tiranës është mbyllur me shifrat 1-1. Një sfidë e cila tregoi dy skuadra me fytyra të ndryshme. Në pjesën e parë ishin vendasit ata të cilët dominuan, duke I shkuar në disa raste pranë golit, por ishte Ilion Lika ai që u përgjigj më së miri duke mbajtur të paprekur portën e Tiranës.
Në fraksionin e dytë të lojës bardheblutë e Memës ndryshuan faqe, me Grecën I cili ishte një rrezik konstant për skuadrën e Duros. Në minutën e 64-t pas disa këmbënguljve ishte afrikani Sentamu ai që zhbllokoi, duke kaluar bardheblutë në avantazh.
Gjithsesi ky rezultat nuk do të zgjaste më shumë se 5 minuta pasi ish-futbollisti I Tiranës, Fukui, barazoi shifrat dhe njëkohësisht vulosi rezultatin përfundimtar të ndeshjes. Pas 10 ndeshjesh në kampionat Tirana renditet në vendin e 7-t me 9-t pikë, 1 më shumë se Kamza e vendit të 8-t.
Komente
