Tirana, kryeqyteti me koston
më të ulët të jetesës në Rajon”

Tirana është kryeqyteti që ka koston e jetesës më të ulët në rajon, sipas Expatistanhttps://www.expatistan.com/cost-of-living/index. Tirana renditet në vendin e 236-të për koston e jetesës, sipas renditjes botërore të qyteteve të cilësuara nga Expatistan, si më të rëndësishmet. 

Në Rajon, pas kryeqytetit shqiptar, koston më të ulët të jetesës e ka kryeqyteti maqedonas, Shkupi, që renditet në vendin e 226-të. Më pas, renditja e kryeqyteteve me koston më të ulët të jetesës pasohet nga Sofia, kryeqyteti bullgar, me pozicionohet në vendin e 220-të dhe Sarajeva (Bosnje dhe Herzegovinë), në vendin e 218-të, që mbyll “trion”. 

Ndërsa, kryeqyteti me koston më të lartë të jetesës në Rajon është Podgorica (Mal i Zi), në vendin e 186 në botë.

Expatistan është një llogaritës i kostos së jetesës, që lejon krahasimin e këtij zëri mes qyteteve në mbarë botën, duke u bazuar në çmimet e produkteve kryesore për jetesën.

“Për të llogaritur vlerën e indeksit të kostos së jetesës për një qytet, ne fillojmë duke caktuar një vlerë 100 për një qytet që e marrim si qendër referimi, që konkretisht është Praga (Çeki).

Vlera e e indeksit të çmimeve në çdo qytet tjetër llogaritet duke krahasuar koston e tyre të jetesës me atë në Pragë. Pra, në qoftë se një qytet ka indeksin e çmimeve 134, do të thotë se jetesa atje është 34% më e shtrenjtë se sa jetesa në Pragë”, sqaron Expatistan.

Renditja e kryeqyteteve në Rajon

Renditja Kryeqyteti (Shteti) Indeksi i ccmimeve

186 Podgoricë (Mal i Zi) 100

204 Beogradë (Serbi) 92

148 Athinë (Greqi) 129

150 Lubjanë (Slloveni) 128

171 Zagreb (Croaci) 110

202 Bukuresht (Rumani) 93

218 Sarajevë (Bosnje dhe Hercegovinë) 84

220 Sofie (Bullgari) 83

226 Shkup (Maqedoni) 79


Redaksia Online
( b.h/Shqiptarja.com )