POP 5

Lajmet më të lexuara të 5 minutave të fundit

Sport

Tirana merr fitore mbijetesë në Laç. Kastrioti mposht Teutën, por Devolli shpërthen në lot

Partizani ka barazuar 1-1 në javën e 35 të Superligës kundër Kukësit, por rezultati në këtë sfidë ka qenë në plan të dytë pasi të kuqtë kanë ngritur në ‘Selman Stërmasi’ titullin kampion. Ndërkohë në takimet e tjera të kësaj jave vlen për t’u theksuar fitorja e Tiranës në Laç si dhe lotët e Bledar Devollit në Krujë.

Partizani ka ngritur sot në qiell titullin kampion të Shqipërisë në Superligë pas 26 vitesh thatësirë. Kjo ndodhi në javën e 35 të kampionatit, pikërisht pas përfundimit të sfidës me Kukësin që u mbyll me rezultatin e barabartë 1-1. Për t’i dorëzuar të kuqve titullin prezent ishte vetë kreu i federatës shqiptare të futbollit Armando Duka.

Festa e Partizanit nuk u ndal vetëm në fushën e gjelbër, por ashtu siç ishte lajmëruar një ceremoni mjaft festive u organizua edhe në sheshin ‘Nënë Tereza’, ku të pranishëm përveç tifozëve të kuq ishin edhe qytetarë të thjeshtë të Tiranës.

Ndërkohë janë zhvilluar edhe sfidat e tjera të kësaj jave ku në Laç Tirana ka marrë një fitore jetike për mbijetesën. Bardheblutë kanë triumfuar me rezultatin 1-3, duke ruajtur në +2 pikë diferencën me Kastriotin ndjekës që sot fitoi 2-1 kundër Teutës. Gjithsesi te krutanët ka patur lot në sy nga trajneri në fund të takimit, duke patur parasysh faktin që kalendari në javën e fundit i rezervon një përballje të vështirë me Kukësin.

Sfida tjetër e kësaj jave ndërmjet Skënderbeut dhe Luftëtarit është mbyllur me shifrat 2-0.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Parrucjani: 27/05/2019 18:42

    Tironsit paskan pjerdh. Se marr vesh pse therrasin allahu akbar, ne ramazan, me barkun duke I pelcit prej byrekve dhe birrave.

    Përgjigju
  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Izraeli bombardon me raketa aeroportin ndërkombëtar të Sanas në Jemen, disa të lënduar

Izraeli bombardon me raketa aeroportin ndërkombëtar të Sanas në Jemen, disa të lënduar

26 Dhjetor, 17:02