Tirana mund 1-0 Flamurtarin në Vlorë, fiton Skënderbeu
Tirana i dha fund serisë prej 35 ndeshjesh pa humbje të Flamurtarit në Vlorë, duke triumfuar 1-0 ndaj kuqezinjve në kryesfidën e javës së 17-të të Kategorisë Superiore
Golin e artë e realizoi sulmuesi 20-vjeçar Mario Morina (24’), duke i garantuar 24 herë kampionëve vendin e parë në renditje, me një pikë më shumë se Skënderbeu. Trajneri spanjoll Hulian Rubio, pasi mundi në fazën e parë (2-0) në kryeqytet teknikun pa përvojë Edmond Lutaj, doli fitues edhe ndaj Shkëlqim Muça, madje me një kënaqësi të dyfishtë: pasi Muça, me katër tituj kampionë si lojtar dhe tre trofe si trajner me Tiranën, konsiderohet si një nga legjendat bardheblu.
Teuta hodhi një tjetër hap fals në luftën për titullin kampion, duke barazuar 0-0 me Bylisin në “Adush Muça” të Ballshit. Durrsakët, që bënë një performancë të jashtëzakonshme në fazën e parë, duke u shpallur “kampionë dimri”, me pesë pikë më shumë se Tirana e vendit të dytë, tani pas katër javësh të fazës e dytë e shohin veten pesë pikë larg bardhebluve të vendit të parë, duke humbur dhjetë pikë në krahasim me 24 herë kampionët e Shqipërisë.
Teuta nuk fiton prej pesë ndeshjesh në kampionat, madje rezultoi e dështuar edhe në merkaton dimërore, pasi presidenti Edmond Hasanbelliu largoi si të panevojshëm sulmuesin serb Pavle Delibashiç. Bylisi, që kishte humbur në fazën e parë 1-0 në “Niko Dovana”, regjistroi barazimin e pestë në kampionat, dhe tani ndodhet në pozita komode: vendi i gjashtë me 23 pikë, po aq sa Vllaznia, e 7-ta.
Skënderbeu 3-0 me Laçin në Peqin, për javën e 17-të të Kategorisë Superiore. Skënderbeu dhe Laçi u paraqitën në fushën asnjanëse të Peqinit, thuajse në version “B”: korçarët patën gjashtë mungesa titullarësh, përfshirë portierin Shehi, ndërkohë që te kurbinasit ky numër ishte tetë, përfshirë sulmuesin kryesor Vilfor Hysa. Mesfushori kroat Davor Bratiç shënoi një gol të shpejtë në minutën e 7-të për Skënderbun – rrjeta e tij e katërt sezonale në 16 ndeshje me fanellën bardhekuqe, për t’i çuar dy ekipet në pushim të ndeshjes me avantazhin e korçarëve. Mesfushori 20-vjeçar Artnad Tahirllari shënoi dy gola në harkun e gjashtë minutave: 55’ dhe 61’, për të kompletuar fitoren e 9-të rresht të Skënderbeut nën drejtimin e trajneri çek Stanislav Levi.(albania-sport)
Sondazhi i ditës:
Pronat shtetërore mund të shkëmbehen me private, si e vlerësoni ligjin?
-
Të drejtë
30.6%
-
Të gabuar
57%
-
Nuk e di
12.4%
Vota total: 1898
Votat totale janë unike
Lajme të tjera
-
GOLAT/ Fiorentina 2-2 Napoli, 'Vjollcët' lënë jashtë Evropës napoletanët! Shënon Rrahmani
17 Maj, 22:48
-
‘Ishte shumë traumatike’, Amos Zaharia flet për herë të parë për divorcin e motrës së tij: Koha rregullon çdo gjë
17 Maj, 22:40
-
'Skënderbeun e trajtuam si një derbi', Orges Shehi: Fanella e Partizanit peshon shumë
17 Maj, 22:38
-
Projekti më i mirë, Piramida e Tiranës fiton çmimin e madh për Evropën Juglindore
17 Maj, 22:36
-
Gjirokastra në festë, turistët kërcejnë nën tingujt e muzikës shqiptare
17 Maj, 22:35
-
'Partizani e meritoi fitoren', Ivan Gvozdenovic: Për Skënderbeun ky ishte maksimumi
17 Maj, 22:24
-
Zelensky nënshkruan ligjin që lejon të dënuarit me burg të shërbejnë në ushtri
17 Maj, 22:19
-
Edlira e Alba, çifti i së njëjtës gjini kurorëzojnë dashurinë! Martohen të dielën veshur me vello dhe bekuar nga dy pastorë
17 Maj, 22:19
-
Sopranoja Ermonela Jaho në krah të Mbretit Charles, Rama: Krenar për shqipet
17 Maj, 22:05
-
Bashkimi Evropian ndalon katër media ruse
17 Maj, 21:58
-
Final 4/ Partizani është finalisti i parë për titullin kampion, mposht 1-0 Skënderbeun në 'Air Albania'
17 Maj, 21:55
-
‘Fotoja ime me autorin që vrau policin në Fier ka 3 vite’, Luan Baçi reagon ndaj deklaratave të Felajt: Shfrytëzove mungesën time në seancë, gënjeve
17 Maj, 21:23