Tirana, nisja më e mirë e sezonit në 'epokën' Shehi! Trajneri: Është ende shpejt, do përmirësohemi!

Më 21 janar të 2021 u emërua në krye të Tiranës, por kjo është nisja më e mirë e sezonit që Orges Shehi ka bërë në krye të bardhebluev si trajner. Skuadra kryeqytase pas 4 javëve të para është me 10 pikë, si askush tjetër në Superligë.

“Sigurisht që donim ta fitonim edhe ndeshjen që dolëm barazim. Mos harrojmë se nuk mund të bëjmë krahasime nga sezoni në sezon, sepse lojtarët kanë ndryshuar shumë. Jemi shpejt, pasi lojtarët nuk janë njohur ende mirë me njëri tjetrin pavarësisht eksperiencës në Europë. Na mbetet akoma kohë për t’u perfoksionuar, por unë kërkoj që të ndryshojmë manovrën çdo ndeshje,”-u shpreh Orges Shehi, trajner i Tiranës.

LEXO EDHE:
GOLAT/ S'ka fitues në derbi, Tirana dhe Partizani barazojnë 1-1 mes tensionit e përleshjeve! Dinamo 'fundos' Laçin, Kukësi e Teuta ndahen në paqe

Në të kalurën pas katër javëve kampionat Tirana ka arritur të grumbullojë 10 pikë, si në sezonin 2019-2020 kur fitoi titullin, por këtë herë trajneri Orges Shehi thotë se nuk kanë të njëjtën rëndësi. Kjo për shkak se kampionatit i është shtuar faza ‘final-four’ ku pikët e katër skuadrave të para do zerohen.

“Ndoshta nuk është emocioni si në sezone e kaluara. Ndonjë skuadër që formatohet mirë dhe ka element për pretendente mund të ulë këmbën nga gazi, pasi mendon se mund të arrijë. Ne nuk duam që kjo të ketë vend te ne,”-tha Orges Shehi, trajner i Tiranës.

Sfida e rradhës për Tiranën do jetë të premten kundër Erzenit, ndërsa java e katërt e Superligës u mbyll me fitoren 1-0 të Teutës kundër Skënderbeut si dhe përmbysjen 2-1 të Laçit kundër Vllaznisë.

 

Ne.k./r.k./Shqiptarja.com

TAG:
• superliga
• tirana
• orges shehi