POP 5

Lajmet më të lexuara të 5 minutave të fundit

Sport

Tirana pa trajner katër ditë para derbit, Ahmataj nuk del në stërvitjen e bardheblue

Tirana dhe Julian Ahmataj kanë ndërprerë përfundimisht bashkëpunimin katër ditë para derbit me Partizanin. Tekniku elbasanas është larguar pas humbjes me Kukësin, ndërsa pak kohë më parë kishte dhënë edhe dorëheqjen, por që ishte refuzuar nga drejtuesit e klubit.

Julian Ahmataj nuk do të jetë më trajner i Tiranës. Tekniku elbasanas nuk ka qenë prezent në seancën e sotme stërvitore të ekipit bardheblu, duke konfirmuar ndërprerjen e bashkëpunimit me 24 herë kampionët e Shqipërisë. Në mungesë të Ahmatajt ekipi është stërvitur nga zv.trajneri Emanuel Egbo dhe përgatitësi atletik, Kosta Jani.

Përveç Ahmatajt i parnishëm në stërvitje nuk ishte as ndihmësi i tij Akil Jakupi. Theksojmë se Ahmataj vetëm para pak javësh dha dorëheqjen nga ekipi i Tiranës, por në këtë rast ishte presidenti Refik Halili ai që nuk pranoi, duke rikthyer ish-trajnerin e Luftëtarit në pankinë.

Deçizive për largimin e tij ka rezultuar humbja e së shtunës me Kukësin, që e dërgoi Tiranën në vendin e tetë në renditje, një pozicion i cili në rast se kampionati përfundonte sot do të thoshte ‘play-off’ për zbritjen nga kategoria.

Ndërkohë sot, ende pa u larguar Ahmataj, në ambientin futbollistik janë përmendur emrat e kandidatëve për t’u ulur në pankinën e bardhebluve. Deri më tani më të lakmuarit janë Magani, Devolli, Josa dhe Skënder Gega. Tirana duhet të nxitojë për trajnerin e ri pasi vetëm të premten është derbi me Partizanin.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Planet e administratës Trump për t’i dhënë fund luftës në Gazë

Planet e administratës Trump për t’i dhënë fund luftës në Gazë

25 Dhjetor, 16:49