Tifozët boshnjakë kanë sjellë dhunën në Tiranë, në ambientet e jashtme të stadiumit ‘Air Albania’. Ishin rreth 250 tifozë që erdhën për të parë ndeshjen e parë të Tiranës përballë Zrinjski Mostar në turin e parë të Conference League, që përfundoi me rezultatin 0-1. Report Tv ka siguruar videon ekskluzive të momentit kur tifozët boshnajkë përplasen me efektivët.
Gazetari i Report Tv Ernest Koçi ka ndjekur nga afer ngjarjen dhe ka raportuar se pavarësisht se morën fitoren, tifozët boshnjakë janë përplasur me efektivët, të cilët i kanë shpërndarë duke hedhur gaz lotsjellës pasi tifozët po lëshonin karrige dhe shishe uji ndaj uniformave të policisë. Për pasojë mbetën të plagosur një efektiv dhe një tifoz, të cilët ndodhen në spital, nën kujdesin e mjekëve, jashtë rrezikut për jetën. Qytetarët që po qëndronin në lokalet jashtë stadiumit janë ngritur të tmerruar ndërsa disa prej tyre duken me fëmijë në duar që përpiqen të largohen me shpejtësi nga vendi i ngjarjes. Më pas ka nisur shoqërimi i disa tifozëve në polici. Kishte edhe një moment kur tifozët boshnjakë zgjodhën të tërhiqeshin duke bërtitur para policisë "Të lutem mjaft".
Gazetari Ernest Koçi bën me dije ser asyeja e përplasjes është se gjatë daljes së tifozëve, shërbimet e Policisë kanë ndërhyrë për të shoqëruar disa tifozë të ekipit të Bosnje Hercegovinës, të cilët gjatë zhvillimit të ndeshjes kanë hedhur sende të forta dhe lëndë piroteknike. Gjatë momentit të shoqërimit të tyre, pjesa tjetër e tifozëve të këtij ekipi, ka kundërshtuar me forcë dhe me sende të forta punonjësit e Policisë, për të mos lejuar shoqërimin e tyre.
Kujtojmë se goli që vulosi ndeshjen Tirana - Zrinjski Mostar u realizua në pjesën e parë nga Bilbijë në minutën e 12 me penallti. Gjithsesi Tirana do synojë përmbysjen në ndeshjen e kthimit që luhet të enjten e ardhshme në Bosnje. Kjo është humbja e dytë radhazi për kampionët e Shqipërisë në Kupat e Europës pasi një jave me parë e eliminoi Dudelange nga kualifikueset e Champions League. Në stadiumin ‘Air Albania’ ishin rreth 250 tifozë nga Bosnja. Ndërsa në krahasim me ndeshjen e një jave më parë mes Tiranës kundër Dudelange, sot kishte më pak tifozë të bardhebluve pasi mund të jenë zhgënjyer nga eliminimi në turin e parë të Champions League.
Policia ka dhënë detaje nga përplasja e tifozëve boshnjakë me efektivët. Policia thotë se janë shoqëruar 25 tifozë boshnjakë, pasi kanë kundërshtuar me forcë policët. Policia thotë se i kanë kundërshtuar pasi efektivët kanë tentuar të shoqërojnë disa prej tifozëve boshnjakë të cilët kishin hedhur në fushën e ndeshjes sende të forta dhe lëndë piroteknike.
“Më datë 19.07.2022, në stadiumin "Air Albania", pas përfundimit të ndeshjes Tirana-HSK Zrinjeski Mostar i Bosnje Hercegovinës, gjatë daljes së tifozëve, shërbimet e Policisë kanë ndërhyrë për të shoqëruar disa tifozë të ekipit të Bosnje Hercegovinës, të cilët gjatë zhvillimit të ndeshjes kanë hedhur sende të forta dhe lëndë piroteknike. Gjatë momentit të shoqërimit të tyre, pjesa tjetër e tifozëve të këtij ekipi, ka kundështruar me forcë dhe me sende të forta punonjësit e Policisë, për të mos lejuar shoqërimin e tyre.
Shërbimet e Policisë, për të neutralizuar aktet e dhunshme të tifozëve, kanë përdorur gaz lotsjellës për t'i shpërndarë ata. Si pasojë e akteve të dhunës nga ana e tifozëve, është dëmtuar një punonjës Policie si dhe një tifoz, të cilët ndodhen në spital, nën kujdesin e mjekëve, jashtë rrezikut për jetën. Nga shërbimet e Policisë deri tani janë shoqëruar 25 tifozë. Sqarojmë opinionin publik që nuk ka pasur të shtëna me armë dhe vijon puna për shoqërimin e personave të tjerë të përfshirë në akte të dhunshme ndaj punonjësve të Policisë. Grupi hetimor nën drejtimin e Prokurorisë vijon punën për dokumentimin e plotë të rrethanave të ngjarjes”, njofton policia.
Policia i ka shpërndarë tifozët të cilët u përleshen jashtë stadiumit ‘Air Albania’ me gaz lotsjellës.
Tifozët boshnjakë janë përplasur me ata të Tiranës, ndërkohë që ka pasur edhe ndërhyrje nga policia. Tifozët boshnjakë janë përplasur edhe me efektivët. Report Tv sjell video të një tifozi të plagosur, i cili është shtrirë në tokë.
Pavarësisht se morën fitoren, tifozët boshnjakë janë përplasur me tifozët bardheblu ndërsa më pas kanë ndërhyrë forcat blu për të ndaluar përshkallëzimin e ngjarjes. Por tifozët boshnjakë nuk kanë hezituan të godisnin me karrige dhe shishe uji që i kanë lëshuar ndaj uniformave të policisë, disa prej të cilëve mbetën të plagosur.
Pasi u përplasën me policinë, Report Tv sjell një video të tifozëve boshnjakë të cilët i thonë policisë ‘Të lutem mjaft’.
Report Tv ka siguruar pamjet e tifozëve boshnjakë që janë përplasur me policinë jashtë ambienteve të stadiumit ‘Air Albania’.
Një efektiv ka mbetur i plagosur pas përleshjes së tifozëve boshnjakë me policinë jashtë stadiumit ‘Air Albania’.
Shoqërohen disa tifozë boshnjakë pas ndeshjes së Tiranës përballë Zrinjski Mostar. Pas përplasjes mes tifozëve, ka ndërhyrë policia por nuk ka ndaluar dot përshkallëzimin e ngjarjes derisa nisi shoqërimin e tifozëve. Nga përleshja janë plagosur edhe disa efektivë policie ndërsa ka mbërritur ambulanca për t'i dhënë ndihmën e parë.
Pas përfundimit të ndeshjes në stadiumin ‘Air Albania’, tifozët boshnjakë janë konfrontuar me policinë.
Përplasje mes tifozëve në ambientet e jashtme të stadiumit ‘Air Albania’, pas ndeshjes së Tiranës me për Conference League përballë Zrinjski Mostar. Mësohet se shkak i përplasjes janë bërë tifozët boshnjakë.
Komente
Lajme të tjera
-
Conference League/ Chelsea fiton në Athinë, Fiorentina përmbysje 2-4 në Zvicër! Rezultatet e 18 ndeshjeve
25 Tetor, 09:01 -
Anulimi i fluturimit nga Milano, reagon “Air Albania”
12 Tetor, 16:43 -
Conference League/ Chelsea fiton me katër gola, tri pikë edhe për Fiorentinën! Në Gjermani gjykojnë arbitrat nga Shqipëria
4 Tetor, 09:10 -
Vendim historik nga UEFA/ Gjashtë arbitra shqiptarë vendosin drejtësi së bashku në ndeshjen e Conference League
2 Tetor, 09:32 -
Derbi Partizani-Tirana mbrëmjen e sotme, Policia blindon ‘Air Albania’! Masa të larta sigurie, rrugët që bllokohen: Hyrje vetëm me dokument identifikimi
21 Shtator, 09:04 -
Liga e Kombeve/ Sot ndeshja e rëndësishme me Gjeorgjinë, Policia publikon planin e masave! Rrugët që bllokohen, kontrollet ndaj tifozëve dhe penalitetet
10 Shtator, 08:57 -
Liga e Kombeve/ Sfida kundër Gjeorgjisë në 'Air Albania', shiten të gjitha biletat
8 Shtator, 15:14 -
UEFA vendos kufi për çmimet e biletave të tifozëve në ndeshjet udhëtuese
2 Shtator, 19:07 -
Shorti/ Formati i ri i Europa dhe Conference League, 72 skuadrat mësojnë rivalët
30 Gusht, 17:12 -
Drita 1 orë me 1 lojtar më pak, Legia fiton përballjen e parë 'play-off' në C.League! Fiorentina vuan pafund me hungarezët (VIDEO)
23 Gusht, 10:50 -
Drita bën historinë, kualifikohet në 'play-off' të Conference League! Ballkani i Dajës i pafat, eliminohet me penallti
16 Gusht, 10:51 -
Conference League/ Ballkani ‘bie’ 0-1 në ndeshjen e parë, u luajt në ‘Fadil Vokrri’
9 Gusht, 12:20
mbytini ore ne dry boshjnaket, si na bejn si te forte ne vendin tone ata bqima
PërgjigjuJuve ësht për tju qr se jeni rrac muti. Po skeni faj se keni gjet kto zhapikët shqiptar që bohen trrima vetëm me ne hallexhinjt. Dilni dilni bojini me nai shtet tjetër kto gjona ene e shifni
PërgjigjuNormale se conin ca polic qe mezor hecnin sot ne rruge, turp
PërgjigjuStadiumi ne mes te qytetit eshte nje budallallek i papare. Po te ishte ne periferi arena e perleshjeve do u perqendronte atje dhe policia mund ta menaxhonte dhe izolonte me mire situaten. Te pakten do evitohej qe te kishim skena dhune ne mes te kryeqytetit ku kalojne femije, gra, te moshuar, gangstere, etj.