POP 5

Lajmet më të lexuara të 5 minutave të fundit

Sociale

Tiranë, AKU bllokon 20 kg produkte ushqimore të skaduara! Gjobë 500 mijë lekë për subjektin që i tregtonte

Autoriteti Kombëtar i Ushqimit ka bllokuar disa produkte ushqimore në Tiranë, të cilave u kishte kaluar afati i përdorimit.

Tiranë, AKU bllokon 20 kg produkte ushqimore të skaduara! Gjobë 500 mijë lekë për subjektin që i tregtonte

Bllokimi i vendosur nga AKU

TIRANË- Autoriteti Kombëtar i Ushqimit ka bllokuar disa produkte ushqimore, të cilave u kishte kaluar afati i përdorimit. Në njoftim sqarohet se pavarësisht se produktet mbaheshin në kushte të përshtatshme higjeno-sanitare, produkteve u kishte kaluar afati i përdorimit. Gjithashtu subjekti privat që tregtonte produkte ushqimore, është gjobitur me 500 mijë lekë gjobë.

Njoftimi i plotë nga AKU:

Autoriteti Kombëtar i Ushqimit duke iu referuar një denoncimi, ka reaguar menjëherë nëpërmjet strukturave të Drejtorisë Rajonale Tiranë, duke kryer inspektim në subjektin “N”, me aktivitet “Tregtim të produkteve ushqimore”. Nga kontrolli i ushtruar në ambientet e këtij subjekti ka rezultuar se aktiviteti ushtrohej në kushte të përshtatshme higjieno-sanitare dhe produktet ushqimore ruheshin sipas natyrës së tyre në kushte frigoriferike dhe rafte. Nga verifikimi i produkteve ushqimore u konstatuan 20 kg produkte ushqimore me afat të kaluar përdorimi të llojit, sallamra, biskota, cornflakes, ëmbëlsira, brumëra, fruta të ngrira, gjalpë, kos dhe 8 litra produkte qumësht, vaj ulliri dhe majonezë të markave të ndryshme. Gjithashtu subjekti nuk dispononte një sistem efikas gjurmueshmërie të produkteve ushqimore dhe nuk implementon planin e vetëkontrollit HACCP.

 Nga trupa inspektuese u krye bllokimi i menjëhershëm i kësaj sasie në subjekt me detyrim asgjësimin e tyre sipas legjislacionit në fuqi, si dhe u mor masa administrative  me gjobë në vlerën e 500’000 lekëve.

Autoriteti Kombëtar i Ushqimit me qëllim garantimin e sigurisë ushqimore, i bën thirrje OBU-ve të jenë të kujdesshëm në verifikimin e datave të skadencave të produkteve ushqimore, si një masë shumë e rëndësishme për sigurinë ushqimore të konsumatorëve, gjithashtu inkurajon konsumatorët të denoncojnë çdo rast apo tentativë abuzimi pranë Autoritetit Kombëtar të Ushqimit në numrin e gjelbër 08007575 dhe [email protected].  Siguria ushqimore, është një sfidë e përbashkët.

B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Andi: 06/11/2023 17:26

    Jepni emrin e subjektit qe konsumatori të mos e frekuentojë? Çfarë është kjo praktikë gjobaxhinjsh? Nëse veproni në të mirë konsumatorit, publikoni tregtarin shkelës

    Përgjigju
  • Muli duke hyre nga kangjellat: 06/11/2023 17:08

    Ne Tiron ka me ton te skaduara! Po pasken gjetur ndonje fakir,qe nuk ka dhene para ,perfundimi bllokojen 20 kg produkte,jane këputur ne ... këto te AKUse.

    Përgjigju
  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

28 Nëntor, 23:04