POP 5

Lajmet më të lexuara të 5 minutave të fundit

Kronikë

Tiranë, Apeli: Pallatet te diga
e Liqenit të ndërpresin punimet

Gjykata Administrative e Apelit rrëzon padinë e firmës "Gener 2" e cila po ndërton kompleksin e pallateve poshtë digës së liqenit, duke lënë në fuqi vendimin e shkallës së parë që i kishte dhënë të drejtë INUK për ndërprerjen e punimeve. VIDEO  ARKIVA - Lajmet e tjera për ndërtimet te Diga
Tiranë, Apeli: Pallatet te diga<br />e Liqenit të ndërpresin punimet
TIRANE- Gjykata Administrative rrëzon padinë e firmës “Gener 2”, duke i dhënë të drejtë Inspektoratit Kombëtar për Mbrojtjen e Territorit për pezullimin e punimeve te pallatet që po ndërtohen te diga e liqenit.

Me këtë vendim do të ndërpiten punimet pasi ka shkelje në lejen që ka dhënë Bashkia e Tiranës. Në gusht të 2014-s, Bashkia e Tiranës e drejtuar nga Lulzim Basha dhe lejen për ndërtimin e 5 pallateve poshtë digës së liqenit. A1 Report dhe “Shqiptarja.com”, ishin të parët që denoncuan shkatërrimin që po i bëhej mjedisit, por Bashkia e Tiranës u justifikuar me argumentin “se do shtoheshin hapësira të gjelbërta”.

Pallatet tek diga e liqnit u kundërshtuan nga shoqëria civile dhe qytetarë të Tiranës, të cilët për muaj me radhë zhvilluan protesta te liqeni por dhe te Bashkia e Tiranës. Në 14 janar 2015 IKMT ndërpeu punimet për ndërtimin e pallateve te liqeni. “Ky akt ka dalë pas datës 22.8.2014 kur KKT pezulloi dhënien e lejeve të zhvillimit nga kryetarët e komunave dhe bashkive. Vendim është në kundërshtim me ligjin për planifikimin e territorit.

Vendimi nuk është i shoqëruar me planëvendosjen e objektit dhe të dhënat teknike e kushtet urbane që duhet të shoqërojnë vendimin sipas ligjit në fuqi. Vendimet e kryetarit të bashkisë për të treja fazat nuk është i shoqëruar me dokumentacionin e plotë sipas parashikimeve ligjore”, - ishin disa nga arsyet që dha IKMT për ndërprerjen e punimeve të diga e liqenit

Akuzat
Vendimi i apelit të Gjykatës Administrative për pezullimin e punimeve të pallateve te diga e liqenit ëshët përgëzuar dhe nga deputeti Taulant Balla, i cili akuzoi djalin e ish-kryeministrit Sali Berisha për lidhjet që ka me firmën që ndërton pallatet. “Tirana ka marrë një lajm shumë të mirë nga gjykata e Apelit, e cila ka pezulluar një kompleks ndërtimi në Digën e Liqenit, që do ti merrte frymën Tiranën.

Ankimi është nga IKMT-­ja dhe subjekti ndërtues është Gener 2, ku ky zotëria ka zyrat me qera dhe i bie është ortak, dhe (ky zotëria është i nxehur) se s’merr dot komplekset”, - u shpreh Balla. Ndërsa ish-Kryeministri Berisha akuzoi Kryeministrin Edi Rama për pallatet te liqeni. “Sipërfaqen tek liqeni e ka sjellë Edi Rama kur unë isha kryeministër. Edi Rama e kaloi në 47 katëshe dhe e akuzoi miku i atij që kryesonte parlamentin për 20% ryshfet me kate.

Edi Rama është akuzuar në mënyrë të përsëritur nga ndërtuesit se i kërkon 20%” - përmendi Berisha. “Se si mund të jesh kaq gënjeshtar sa ti unë nuk e di. Zyrën tënde qindra mijëra euro e ke në pallatin Gener 2, e pra kompleksi që do të ndërtohej tek liqeni është i kësaj kompanie. Nuk ka shqiptar që nuk e di se ti dhe yt bir jeni ortakë”, - theksoi Taulant Balla.


Shkrimi u botua në Shqiptarja.com (print) në 29 Maj 2015

Redaksia Online
(d.a/shqiptarja.com)

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kamberi: Nëse protestat 'shuhen', Vuçiç do e çojë Serbinë në diktaturë

Kamberi: Nëse protestat 'shuhen', Vuçiç do e çojë Serbinë në diktaturë

25 Dhjetor, 20:46