Tiranë/ Apeli rrëzon ankimin e ish-punonjëses së Bankës së Shqipërisë duke lënë në fuqi vendimin e Shkallës së Parë e cila e dënon me 5 vite burg

Tiranë/ Apeli rrëzon ankimin e ish-punonjëses së Bankës së Shqipërisë duke lënë në fuqi vendimin e Shkallës së Parë e cila e dënon me 5 vite burg

Milena Deraj

TIRANË - Gjykata e Apelit ka rrëzuar ankimin e bërë nga Milena Deraj, ish punonjëses së Bankës së Shqipërisë, e cila ka përfituar 340 mijë euro me mashtrim në dëm të një qytetari. Shkalla e Parë e dënoi Derajn me 7 vite e 6 muaj burgim, nga të cilat me gjykim të shkurtuar, Deraj do të vuajë 5 vite burg.

Ajo kërkoi nga Apeli që dënimi t'i pezullohej dhe vënien në provë, gjë e cila nuk është pranuar nga Gjykata e Apelit, duke lënë në fuqi Shkallën e Parë. Ish- ekonomistja e Bankës së Shqipërisë i kishte premtuar familjes Ferracaku se do ndikonte në procesin gjyqësor ndaj tyre.

Kjo pasi familja Ferracaku në Velipojë pas një konflikti me familjen Gocaj rezultoi në një masakër e cila prodhoi 4 viktima në vitin 2021. Deraj u mori 340 mijë euro dy prej anëtarëve të kësaj familje pasi ata akuzoheshin për masakrën. Por më pas ata e kanë kërcënuar tu kthejë paratë dhe e frikësuar Deraj ka njoftuar policinë, por ka rënë edhe vetë në pranga për ‘Mashtrim’.

Jo vetëm kaq, por sipas njoftimit të Apelit, Deraj i ka marrë një shumë prej 250 mijë eurosh edhe një shoqeje të saj, Elira Shyti, me premtimin se këto para do t’i investonte në bono thesari.

Vitin e shkuar në 30 prill 2023, Gjykatat e Shkallës së Parë në Tiranë, vendosi që Deraj të shpallet fajtore për veprën penale të ‘Mashtrimit’ me pasoja të rënda dhe të vuajë një dënim me gjykim të shkurtuar prej 5 vitesh burg.

Sakaq, Deraj bëri ankim në Apel duke kërkuar pezullimin e dënimit me burgim dhe vënien e saj në provë.

'Çështja në apel u shqyrtua mbi bazën e ankimit të  bërë nga e pandehura me iniciale Milena Deraj, e cila kërkoi:

 1. Ndryshimin e vendimit të Gjykatës së Shkallës së Parë të Juridiksionit të Përgjithshëm Tiranë.

2. Deklarimin e të pandehurës të pafajshme.

3. Në rast se gjykata e gjen fajtore kërkojmë:

- Deklarimin fajtore të të pandehurës, për veprën penale të “Mashtrimit”, të parashikuar nga neni 143/3 të Kodit Penal dhe dënimin e saj me 5 (pesë) vite burgim.

- Në aplikim të nenit 406 të K.Pr.Penale, i ulet 1/3 e dënimit duke e dënuar përfundimisht me 3 (tre) vite e 4 (katër) muaj burgim.

- Aplikimin e nenit 59 të Kodit Penal, pezullimin e ekzekutimit të dënimit me burgim dhe vënien e të pandehurës në provë. ', thuhet në njoftimin e Gjykatës së Apelit.

Por Apeli i Tiranës ditën e sotme me trup gjykues Fatri Islamaj dhe anëtare Edlira Petri dhe Marsela Pepi vendosi të lërë në fuqi vendimin e Shkallës së Parë më datë 30 prill.

'Në përfundim të gjykimit, sot më datë 13.06.2024, Gjykata e Apelit të Juridiksionit të Përgjithshëm, trupi gjykues me Relator Gjyqtar z. Fatri Islamaj dhe anëtare znj. Edlira Petri dhe znj. Marsela Pepi, vendosi:

- Lënien në fuqi të vendimit nr. 1088, datë 30.04.2024 të Gjykatës së Shkallës së Parë të Juridiksionit të Përgjithshëm Tiranë.', përfundon njoftimi.

G.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Lushka: 13/06/2024 17:56

    Auuuuu mos te zente halli ne shqiperi. I mori tjetrit 340 mij euro edhe 5 vjet burg!? Ku shkoj kodi penal morali edhe normat jetike!? Auuuuu kush ka te me japi mua 340 mij euro edhe te bej edhe un 5 vjet burg se nuk i ben aq leke me cfare do lloj gjëje ate shifer te merresh me cte duash... nuk behet ky vend kurre.

    Përgjigju
  • Sondazhi i ditës:

    Jeni dakord që në Shqipëri të ndalohet përdorimi i euros për pagesa?



×

Lajmi i fundit

Speciale/ Evropiani i paharruar i shqiptarëve! Pamje, detaje dhe intervista ekskluzive nga Gjermania (VIDEO)

Speciale/ Evropiani i paharruar i shqiptarëve! Pamje, detaje dhe intervista ekskluzive nga Gjermania (VIDEO)