POP 5

Lajmet më të lexuara të 5 minutave të fundit

Kronikë

Arrestohet babai në Tiranë, abuzoi seksualisht për 16 vite me të bijën, vajza aborton fëmijën (Historia)

61-vjeçari është arrestuar nga Policia e Tiranës pasi është denoncuar për abuzim seksual me të bijën për 16 vite me radhë, që kur vajza ka qenë e mitur. Ngjarja është denoncuar nga vetë vajza në polici, e nxitur nga një murgeshë.

Një 61-vjeçar është arrestuar nga Policia e Tiranës 3 ditë më parë, pasi është denoncuar për abuzim seksual me të bijën për 16 vite me radhë, që kur vajza ka qenë e mitur. Denoncimi është bërë nga vajza, sot në moshën 25 vjeçare, e cila ka rrëfyer të gjithë ngjarjen tek murgeshat. Policia e ka dhënë dje  njoftimin zyrtar për arrestimin ku thuhet se:

“Më datë 30.08.2018, u ndalua shtetasi Q.N., vjeç 61, banues në Tiranë, për veprat penale parashikuar nga nenet 106, 100 dhe 130/a të Kodit Penal.”-thuhet në njoftimin e policisë.

Lajmi u publikua fillimisht nga gazeta Ekspres, dhe verifikua dhe konfirmua nga "Shqiptarja.com" dhe Report Tv se ka patur një denoncim për abuzim seksual.

Si ka nisur historia e abuzimit?

Burime për “Shqiptarja.com” bëjnë me dije se 61-vjeçari është divorcuar nga bashkëshortja e tij në vitin 2002, dhe 3 fëmijët e çiftit, dy vajza dhe 1 djalë qëndruan me babain e tyre, asokohe 45 vjeç. Ata jetuan në Tiranë, dhe sipas denoncimit të vajzës, babai ka nisur abuzimin me vajzën e madhe, që në moshën 9-vjeçare. Ata jetonin në një dhomë, të cilën e kishin kthyer në banesë dhe sipas kallëzimit të vajzës, sot, 25 vjeçe, babai ka kryer me të marrëdhënie seksuale me dhunë.

Burimet shtojnë se vajza, kohët e fundit, ka treguar gjithçka tek murgeshat, njëra prej tyre, ka nxitur vajzën të bëjë edhe denoncimin në polici. Babai është arrestuar menjëherë nga policia e Tiranës, dhe ka pranuar abuzimin me të. Vajza gjithashtu ka treguar se në moshën 19-vjeçare, i ati e ka lënë shtatzënë dhe më pas e ka abortuar. Pas martesës së vajzës së vogël, 25-vjeçarja e abuzuar nga babai, jetonte bashkë me të. Ajo ishte larguar nga shtëpia dhe i ati e kishte denoncuar si të zhdukur. "Shqiptarja.com" ka mësuar se babai ka shpërthyer në lot në polici dhe i ka kërkuar falje vajzës.

61-vjeçari, ndodhet në paraburgimin e Tiranës dhe ndaj tij, janë ngritur 3 akuza, të cilat janë marrëdhënie seksuale ose homoseksuale me personat në gjini ose nën kujdestari, marrëdhënie seksuale me të mitur dhe dhuna në familje.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Kozeta: 03/09/2018 14:47

    Te arrestohen te dy 16 vjet ku ishte kjo vajze mostra te dy baba e bike smund ti thuash mostra

    Përgjigju
  • Kafsha: 01/09/2018 09:32

    Bajgë!

    Përgjigju
  • Mirditor: 01/09/2018 00:56

    Kjo asht me të vërtet e pa besushme qmenduri fundi botes as kafsha nuk i shkon ndermend me ba vepra të tilla . ShqiptaRi nuk i falë as në grimcë kto llojë veprash. Si asht e mundur se ska dyshuar njeri as njëher fqinjët,shokët,njerzir rreth e qark? Pse nuk kan thirr policine ose kryeplakun.

    Përgjigju
  • Olsi chicago USA: 01/09/2018 00:42

    Duhet te kete denim kapital qe per pjesen tjeter te shoqerise te behet shembull. Ne qoftese denimi kapital nuk aplikohet ne Shqiperi, atehere krime dhe ngjarje me te renda do vazhdojne te jene pjese e asaj shoqerie. Ligji duhet te kaloje vote popullore. Vendi yne i ka te gjitha mundesite te jete larg ketyre masakrave.

    Përgjigju
  • memento mori: 31/08/2018 22:26

    adn duhet bere medoemos

    Përgjigju
  • Kev: 31/08/2018 21:10

    Digjeni te gjalle tek sheshi skenderbej! S'ka nevoj per gjyq!

    Përgjigju
    • Olsi chicago USA: 01/09/2018 00:44

      E sakte, por kush ta aplikoj?

  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

SHBA, avioni me 64 pasagjerë në bord përplaset me një helikopter ushtarak në Uashington, ka viktima

SHBA, avioni me 64 pasagjerë në bord përplaset me një helikopter ushtarak në Uashington, ka viktima

30 Janar, 07:16