TIRANË - Dy persona u arrestuan në flagrancë pasi goditën 2 efektivë të policisë që po shoqëronin për në komisariat një të shpallur në kërkim, i cili ka arritur t'i shpëtojë policisë.
 
Por ndërsa shpëtuan të njohurin e tyre, i cili është shpallur sërish në kërkim, dy të rinjtë kanë përfunduar në prangat e policisë për dhunimin e efektivëve dhe ndihmën që i dhanë të kërkuarit për tu arratisur.
 
Ngjarja ndodhi më 13 mars në Fushë-Mëzez, S.H dhe F.P 20 dhe 24 vjeç u arrestuan në flagrancë nga policia, ndërsa personi që efektivët po shoqëronin, 59-vjeçari me inicialet L.H arriti të largohej. 

Redaksia Online
(Gre.M/Shqiptarja.com)