Tiranë- Një grup që vidhte makina në kryeqytet u godit nga Policia e Tiranës ditën e sotme.
Aktiviteti kriminal bëhej kryesisht në zonën e Yzberishtit, kurse operacioni ka marrë emrin e koduar “GLK” (sipas markës së automjetit të vjedhur), teksa ndau edhe pamjet e vjedhjes, të filmuara nga një kamera sigurie.
Policia bëri me dije sot (1 Nëntor) se ka arrestuar 3 persona të dyshuar, një e shpalli në kërkim, kurse një tjetër po hetohet për moskallëzim krimi. Gjithashtu është zbardhur edhe dinamika e vjedhjes së fundit të një automjeti.
Aksioni u krye nga Komisariati nr. 6 në Kombinat. Të arrestuarit janë shtetasit; Ambri Taga, 27 vjeç, Arlindo Taga, 29 vjeç, banues në Tiranë, dhe Kostandin Bregu, 33 vjeç, banues në Shijak, për veprën penale "vjedhja".
“Gjithashtu u procedua në gjendje të lirë shtetasi A. T., 27 vjeç, banues në Shijak, për veprën penale "moskallëzimi i krimit", dhe po punohet për kapjen e shtetasit D. T.”, njoftoi policia.
Nga veprimet hetimore të kryera dyshohet se më datë 9 tetor 2024, Ambri Taga, 27 vjeç, ka vjedhur një automjet tip "Benz GLK", në një garazh në rrugën "Tre Dëshmorët", në Yzberisht. Bashkëpunëtori Arlindo Taga, 29 vjeç, e ka shoqëruar me një automjet tjetër para, si dhe pas kryerjes së vjedhjes ka shoqëruar automjetin e vjedhur dhe kanë lëvizur të dy automjetet bashkë.
“Nga veprimet hetimore të kryera ka rezultuar se shtetasi Kostandin Bregu, ka dashur që t’i shesë automjetin e vjedhur shtetasit A. T., i cili dhe pse ka pasur dijeni që automjeti është i vjedhur, nuk e ka kallëzuar atë pranë organeve kompetente”, sqaroi policia.
Dosja për rastin i ka kaluar Prokurorisë së Tiranës, për veprime të mëtejshme, teksa po verifikohet edhe për krime të tjera të ngjashme të këtij grupi.
Komente
Lajme të tjera
-
Goditet rrjeti i prostitucionit në Tiranë, në pranga tutorja nga Azerbajxhani! Rekrutonte të huaja, i kërcënonte kur donin të largoheshin! 6 në hetim
11 Dhjetor, 16:23 -
Gjykata e Tiranës regjistron Berishën si kryetarin e PD-së
11 Dhjetor, 15:46 -
Policia i kap mat duke vendosur baste sportive, 8 persona në pranga në Tiranë! 4 në hetim
11 Dhjetor, 15:44 -
GJKKO dënon me 4 vite burg në total 2 të pandehur për korrupsion, Arben Tusha ish-zyrtar i Burgjeve! Përfitojnë gjykim të shkurtuar, njërit i kthehet shërbim prove
11 Dhjetor, 15:27 -
Ndezi Londrën me nokaut, Bermeta arrin numra historik në boks: Në 2025 do të jem mes 10 më të mirëve në botë
11 Dhjetor, 15:23
-
Familja e Saimir Sulës proteston para kryeministrisë, kërkohet leja për ADN-në e zemrës
11 Dhjetor, 14:18 -
Konferenca e Kryetarëve debate për interpelancën e Bardhit për Ramën! Rrëzohet ngritja e Komisionit të Posaçëm 'Pakti i fëmijëve'! U kërkua nga 'Djathtas 1992'
11 Dhjetor, 13:13 -
Tiranë/ Zbulohet një lokal i përshtatur për lojëra fati në Kombinat! Sekuestrohen 5 makineta, dy persona në pranga! Dy të tjerë po hetohen në gjendje të lirë
11 Dhjetor, 12:54 -
Konferenca e Kryetarëve/ Spiropali propozoi emërtimin e dy sallave të vogla të Kuvendit me emrat Bashkim Fino dhe Gerti Bogdani
11 Dhjetor, 12:38 -
Veliaj pret Ali Ahmetin: Po e ndjekim me shqetësim situatën në Maqedoninë e Veriut! Kreu i BDI-së: Çdo cenim i marrëveshjes së Ohrit dëmton marrëdhëniet ndëretnike
11 Dhjetor, 12:27 -
Ministri i Financave: Brenda dhjetorit përcaktohet bonusi i pranverës për pensionistët, rishikojmë buxhetin 2024! Së shpejti të dhëna për aksionin kundër informalitetit
11 Dhjetor, 12:14 -
Vrasja e Martinit, babai merret në pyetje: S'dinim gjë për sherrin 4 ditë para ngjarjes, shkolla s'na vuri në dijeni, e mësova në spital! Stafi kontaktoi gruan por më pas s'ju ngrit telefoni
11 Dhjetor, 11:35
Urime, vazhdoni punën e mos dëgjoni opozitën që dëshiron të bllokojë punën e policisë me aksione pa frut, vetëm për të bërë të pakënaqur njerëzit, jo me qeverinë por me veten. Të gjitha protestat janë bumerang për opozitën, edhe zhurma e Fevziut mbrëmë ndaj kryeministrit është bumerang për të, nuk do ta ndjekë njeri, kryeministri ndiqet nga FB jo nga Klani i Fevziut, që rolin e gazetarit ja la zonjës që ankohej për pensionin. Nuk e di ju të Klanit pse nuk vlerësoni rolin e ulët e pa etikë të gazetarit, i cili gjithnjë kur ka Edi Ramën në studio, nuk djek rregullin pyetje-përgjigje, por pyet dhe pa pritur përgjigje bën pyetjen tjetër që s'ka lidhje me atë që ka pyetur. E di veten mbret ai, edhe Frangaj s'ka fuqi ndaj tij, as edhe kolegët e tjerë që kanë pak seriozitet dhe etikë në emisione. Nejse, unë hyra të verësoj policinë, se kur ka rezultate të mira, e kalojnë flesh ose s'e përmendin fare, kur ndodh rasti si ajo e Shkodrës, ulërijnë expertët me demek nëpër studio. Kudo ndodhin si ajo në Shkodër. Në Suedi nga lufta e bandave humbi jetën një vajzë 12 vjecare, ndërsa po shëtiste qenin. Fati i zi i saj dhe i ciftit Basha që u ndodhën në vëndin e kohën e gabuar. U prehshin në paqe!
Përgjigju