POP 5

Lajmet më të lexuara të 5 minutave të fundit

Kronikë

Grabitje e armatosur në Tiranë, autori i maskuar merr 15 celularë në dyqanin ‘3 Vëllezërit Fejzo’! 5 mijë euro shpërblim kush jep informacion

Një dyqan celularësh ra pre e grabitjes mëngjesin e së premtes pranë “21 Dhjetorit” në Tiranë. Autori, i vetëm dhe i maskuar, nën kërcënimin e armës mori 15 celularë dhe u largua. Policia për identifikimin e tij ofron 5 mijë euro, ndërsa kanë nisur kërkimet në të gjithë Tiranën.

TIRANË- Ora shënonte 09:30 kur një i ri hyri në një dyqan celularësh në rrugën “Muhamet Gjollesha” në Tiranë, shumë pranë “21 Dhjetorit”. Ai nuk ishte i interesuar të blinte, por nën kërcënimin e asaj që dyshohet se ishte armë, i tha shitësit të dyqanit “3 Vëllezërit Fejzo” që duhej t’i jepte celularët.

Nga aty, autori i grabitjes mundi të largohet me 15 copë dhe në pak sekonda u zhduk në këmbë nëpër rrugicat ngjitur, duke humbur gjurmët. Për fat të mirë në këtë ngjarje askush nuk u lëndua, përveç dëmeve materiale të kostos së produkteve të shtrenjta.

Agresori ishte i mirë përgatitur, mbante maskë të zezë në fytyrë, xhup të kuq me kapuç, xhins blu, doreza dhe atlete të zeza, siç duket në këtë foto të fiksuar nga një prej kamerave të sigurisë së dyqanit, duke e bërë të pamundur identifikimin përmes pamjeve.

Në vendin e ngjarjes mbërritën hetuesit e Komisariatit nr. 2, ndërsa ekspertët e kriminalistikës mblodhën çdo provë me synim identifikimin e tij. Policia është vënë në ndjekje të tij, ndërsa po punohet për gjurmimin përmes pamjeve të kamerave në zonën përreth.

Në fokus janë edhe një grup hajdutësh të ngjashëm që kanë vjedhur në të shkuarën për të shkuar drejt identifikimit. Policia kërkoi edhe ndihmën e qytetarëve për zbardhjen e rastit dhe në dispozicion të atyre që japin një informacion të vlefshëm, janë vënë 5 mijë euro, duke pretuar anonimatin absolutë të tyre.

Rendit zhvillimet sipas orarit:
Ora 10:45
Tiranë/ Grabiti nën kërcënimin e armës dyqanin e celularëve ‘3 Vëllezërit Fejzo’, 5 mijë euro shpërblim kush jep informacione për autorin

1707471764_autori3vfejzo.jpg

Policia e Tiranës ofron shpërblim 5 mijë euro për këdo që jep informacion për autorin e grabitjes së dyqanit 3 Vëllezërit Fejzo në rrugën ‘Muhamet Gjollesha’. Autori i maskuar dhe me armë ka grabitur 15 celularë dhe është larguar në këmbë.

“Më datë 09.02.2024, rreth orës 09:30, në rrugën “Myslym Shyri”, një person me maskë të zezë dhe me një xhup të kuq, nën kërcënimin e një sendi të dyshuar si armë zjarri pistoletë, ka marrë disa aparate celular në dyqanin e shtetasit M. F., dhe më pas është larguar.

Grupi hetimor ndodhet në vendngjarje dhe po punon për zbardhjen e dokumentimin e autorësisë të kësaj ngjarje.

DVP Tiranë fton qytetarët që të japin informacion për autorin e kësaj ngjarjeje dhe vendos shpërblim 5000 euro, për çdo informacion të vlefshëm që do të çojë në kapjen e tij.

Drejtoria Vendore e Policisë Tiranë vendos në dispozicion të qytetarëve, numrat e telefonit 112 dhe +355 69 410 0118 duke garantuar anonimatin e plotë të çdo telefonuesi”, njofton polica.

SI.E./Shqiptarja.com

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Puna e SPAK në 2024, Dervishi: Po u zbardh çka ndodhur me Ervis Martinajn bie piramida e krimit! Petraj: Si u privatizua CEZ do hap 'Kutinë e Pandorës'

Puna e SPAK në 2024, Dervishi: Po u zbardh çka ndodhur me Ervis Martinajn bie piramida e krimit! Petraj: Si u privatizua CEZ do hap 'Kutinë e Pandorës'

25 Dhjetor, 18:54