Tiranë - Një 36-vjeçar ka rënë në prangat e Komisariatit të Policisë Nr. 5, për vjedhje.

Një ditë më parë i arrestuari i kishte marrë me dhunë varësen e floririt një 26-vjeçareje në bulevardin “Nënë Tereza”, Kamëz.

Sipas policisë 36-vjeçari rezulton i dënuar më parë për të njëjtën veprimtari kriminale.

“Shërbimet e Komisariatit të Policisë Nr. 5, dje, pas marrjes së njoftimit se një shtetaseje i kishin vjedhur me dhunë varësen, në bulevardin “Nënë Tereza”, kanë organizuar dhe finalizuar operacionin policor të koduar “Bulevardi”, për identifikimin dhe kapjen e autorit. 

Si rezultat i veprimeve të shpejta hetimore dhe procedurale të kryera nga specialistët për Hetimin e Krimeve të Komisariatit të Policisë Nr. 5, u identifikua, u kap dhe u arrestua në flagrancë shtetasi:     

 -K. R., 36 vjeç, banues në Kamëz, për veprën penale “Vjedhja me dhunë”.

Nga hetimet dyshohet se ky shtetas, dje, në bulevardin “Nënë Tereza”, i ka marrë me dhunë varësen nga qafa, varësen e floririt, një 26-vjeçareje”, njoftoi sot policia.

Materialet procedurale iu referuan Prokurorisë, për veprime të mëtejshme.