Një 47- vjeçar të cilin drejtësia italiane e kishte vendosur në kërkim ndërkombëtar për trafik droge, është arrestuar në Tiranë.

Në pranga ka rënë Idajet Spahiu, 47 vjeç, banues në Vorë, i cili është dënuar në Itali me 4 vite e 7 muaj e 14 ditë burgim

47- vjeçari i cili është dënuar më 14.06.2017  në Itali është arrestuar me qëllim ekstradimin e tij.

Njoftimi i policisë:
Idajet Spahiu, 47 vjeç, banues në Vorë (Tiranë).

Ky shtetas ishte shpallur në kërkim ndërkombëtar, pasi autoritetet gjyqësore të Sassari / Itali me Vendimin Nr.SIEP 35/2016 të datës 14.06.2017 e kanë dënuar me 4 vite e 7 muaj e 14 ditë burgim për veprën penale "Trafikim i lëndëve narkotike", parashikuar nga nenet 110 & 112 të Kodit Penal Italian dhe neni 73/1 , Dekreti 309/1990.

Materialet i kaluan Prokurorisë së Rrethit Gjyqësor Tiranë për veprime të mëtejshme.

Redaksia Online
D.T/Shqiptarja.com