Tiranë, jetimi 13-vjeçar 3 ditë
i humbur, alarmohet policia
Është zhdukur një fëmijë i jetimores “Zyber Hallulli” në Tiranë, që prej datës 17 qershor. Prej disa ditësh kërkime, ende asnjë rezultat. Ka dyshime se fëmija mund të jetë rrëmbyer. Maringleni është i biri i Manushaqe Çelikut, viktimës së vrarë me sëpatë nga bashkëshorti i saj në Orikum të Vlorës. (Në foto: Mariglen Çeliku).
TIRANË - Është zhdukur një fëmijë i jetimores “Zyber Hallulli” në Tiranë. Pikërisht që prej datës 17 qershor rezulton i larguar nga shtëpia e fëmijës, Mariglen Çeliku, 13 vjeç, nga Librazhdi. Denoncimi është bërë nga stafi i jetimores, ndërkohë që policia gjendet në alarm për gjetjen e fëmijës, i cili është larguar edhe herë të tjera. Prej disa ditësh kërkime nuk ka ende asnjë rezultat. Ekzistojnë dyshimet se fëmija mund të jetë rrëmbyer.
Mariglen Çelikut, 6 muaj më parë njerku i vrau të ëmën shtatzënë me sëpatë, në masakrën e bujshme të Orikumit. Tashmë uniformat blu kanë nisur hetimet dhe kërkimet për gjetjen e tij dhe po merret në pyetje stafi i jetimores. Ky i fundit është me shpresën se Marigleni mund të kthehet nga çasti në çast, pasi, sipas tyre "nuk është hera e parë që ai largohet'. Sipas stafit, "13-vjeçari shprehej se
nuk qëndronte dot në ambientet e mbyllura".
Ndërkohë një foto e fëmijës është vendosur në të gjitha pikat kufitare. Ndërsa policia kërkon bashkëpunimin e qytetarëve për çdo informacion. Ajo bën thirrje, se kush e ka parë fëmijën të telefonojë në nr.129. Brenda pak ditësh ky është rasti i dytë i humbjes së fëmijëve. Rasti tjetër është shënuar në Korçë, ku ka humbur një fëmijë 17 vjeç.
MARINGLENI, JETIMI I TRAGJEDISË SË ORIKUMITMaringleni është i biri i Manushaqe Çelikut, 34 vjeçe, gruas fatkeqe të vrarë me sëpatë nga bashkëshorti i saj, në Orikum të Vlorës në 10 dhjetor 2012. Shpëtim Çeliku e vrau bashkëshorten me sëpatë në muajin e gjashtë të shtatzënisë dhe fjeti me të dy ditë pas masakrës. Ngjarje kjo, e cila tronditi mbarë opinionin shqiptar. Maringleni u shpreh se e mësoi ngjarjen nga televizori, pasi prej dhunës së Shpëtimit kishte ikur dhe herë të tjera nga shtëpia dhe endej rrugëve të Tiranës.
ARRATITË E TJERA TË MARINGLENIT Shpëtimi ishte njerku i Mariglenit, dhe siç tregon ky i fundit në një rrëfim të tij për mediat pas ngjarjes, "njerku ushtronte dhunë sistematike ndaj tij duke e detyruar të largohej nga shtëpia pak muaj para se të ndodhte ngjarja e rëndë". Në arratitë e tij, Marigleni endej rrugëve të Tiranës dhe është parë në zonën e Kinostudios, ku ndihmohej nga banorët dhe bizneset sa për të mbajtur frymën gjallë, e flinte poshtë shkallëve të një pallati shumëkatësh në afërsi të stacionit të autobusëve të kësaj zone. Sipas dëshmisë së Maringlenit për mediat, rajonet e policisë e kishin kontaktuar disa herë, por sërish e kishin lënë të lirë pa e referuar në institucionet sociale. Më në fund ishte sensibilizimi i mediave ai që bëri që Maringleni të sistemohej në shtëpinë e fëmijëve "Zyber Hallulli" në Tiranë. “Dëshira ime më e madhe; të bashkohem me dy motrat e tjera”, thoshte Maringleni pas vdekjes së nënës së tij, kohë kur dy motrat e tij të vogla u sistemuan në fshatin SOS.
Redaksia Online
(mag/shqiptarja.com)
Sondazhi i ditës:
Çfare prisni nga sesioni i ri parlamentar?
-
Dialog
22%
-
Debat
52.7%
-
Nuk e di
25.3%
Vota total: 495
Votat totale janë unike
Lajme të tjera
-
Vuani nga rënia e flokëve? Ushqimet që duhet të konsumoni
1 Shtator, 13:16
-
Dyshohet se abuzoi seksualisht me një vajzë të mitur, lihet në burg 71-vjeçari nga Maliqi
1 Shtator, 12:51
-
Shkodër/ Ishin mbjellë në një zonë të thellë malore, asgjësohen 3459 bimë kanabis! Shpallen në kërkim babë e bir
1 Shtator, 12:48
-
Burri në proces divorci e leu me benzinë dhe i vuri flakën, Melisa Trëndafili në luftë për jetën në QSUT! Fqinja i hoqi rrobat e ndezura nga trupi! 45-vjeçari ende në kërkim
1 Shtator, 12:42
-
Itali, 70-vjeçari shqiptar godet disa herë me thikë nusen e djalit pas një debati të ashpër (EMRI)
1 Shtator, 12:41
-
Horoskopi i muajit shtator 2024/ Çfarë surprizash ju presin në dashuri, punë dhe financa?
1 Shtator, 12:01
-
Sulmi në Bregun Perëndimor, vriten 3 agjentë izraelitë
1 Shtator, 11:48
-
Siguria detare/ Nga Ksamili në Koman 18 mjete lundruese të bllokuara gjatë kësaj jave! Gjobiten me nga 1 mln lekë drejtuesit e 4 mjeteve
1 Shtator, 11:43
-
Zbulimi trupave të 6 pengjeve në Gaza, apeli i familjeve: Nesër grevë e përgjithshme
1 Shtator, 11:38
-
Vrasja e pengjeve, Netanyahu kërcënon Hamasin: Do t’ju t’ju kapim dhe do t'u nxjerrim në gjyq
1 Shtator, 11:29
-
‘Nuk ndaloja dot së qari’, Arbana Osmani publikon videon emocionuese kur mësoi se do bëhej me vajzë
1 Shtator, 11:17
-
Tentoi të korruptojë punonjësit e IMT-së për një ndërtim pa leje, pranga 51-vjeçarit në Elbasan
1 Shtator, 10:58