Arrestohet 29-vjeçari në Tiranë, kërcënonte brazilianen që njohu në rrjetet sociale: Më jep para të të mos publikoj videot intime që më ke nisur! Më pas të jap edhe pasaportën

Një 29-vjeçar, i identifikuar si Eraldo Dervishi ka rënë në prangat e policisë së Tiranës pasi kërcënonte një braziliane që t’i jepte shuma të caktuara parash, për mospublikimin e disa pamjeve intime që ai dispononte.

Të dy janë njohur në rrjete sociale. Gjatë takimit, Dervishi i ka marrë pasaportën dhe i ka thënë "do më japësh lekë nëse do të të mos publikoj videot që më ke nisur, dhe më pas të të jap pasaportën."

Burime bëjnë me dije se 19-vjecarja e njihte Eraldon vetëm me emrin shkurt, i dinte dhe numrin e telefonit dhe ka bërë kallëzim në Policinë e Tiranës.

Brenda pak orësh u bë arrestimi i Dervishit, i cili akuzohet për veprën penale "Shtrëngimi me anë të kanosjes ose dhunës për dhënien e pasurisë". Një aparat celular dhe një pasaportë janë sekuestruar në cilësinë e provës materiale. 

Materialet i kaluan Prokurorisë, për veprime të mëtejshme procedurale.

TAG:
• Tirane
• policia e tiranes