TIRANË - Një i dënuar në Gjermani për kultivim të kanabisit dhe 4 bashkëpunëtorë të tij, dyshohet se janë truri që fshihen pas një shtëpie bari të zbuluar nga policia në zonën e Selitës në Tiranë, nw rrugën 'Hamdi Pepa'
I dënuari Erlind Tresa, 28 vjeç, Reshit Tresa, 57 vjeç, Asqeri Likaj, 59 vjeç dhe Elvis Lala, 26 vjeç, dhe një i pestë i shpallur në kërkim, Sajmir Karaj, 46 vjeç, kishin kohë që ruanin një magazinë, kati i parë i së cilës ishte në përdorim nga Agjencia Shtetërore e Kadastrës.
Në katin e dytë, të privatizuar nga 3 pronarë, të dyshuarit nuk kishin parë lëvizje prej kohësh duke u bindur se bëhej fjalë për një pronë të braktisur.
'Shtetasit Erlind Tresa, Reshit Tresa, Asqeri Likaj, Elvis Lala, dhe S. K., në një magazinë në rrugën "Hamdi Pepa" kishin përshtatur një tunel, nga kati i parë në katin e dytë të magazinës, për kultivimin e bimëve narkotike me anë të llambave. Punonjësit e OSHEE, nuk kanë konstatuar lidhjet e paligjshme të energjisë elektrike në këtë ambient, në zonën që ata kishin në monitorim, ndërsa shtetasja H. D., ka pasur dijeni për këtë veprimtari kriminale dhe nuk ka kallëzuar pranë organeve kompetente', njofton sot policia.
Për të bërë rojtarin e mirë, i ndihmoi edhe fakti që shumica e tyre i kanë shtëpitë rreth e përqark zonës. Menjëherë filluan punën të përshtasin një tunel për të kaluar nga kati i parë, i Kadastrës, në katin e dytë të një magazinës, pa u vënë re nga askush. Ambientin e përdorën për të kultivuar kanabisin me llamba. Një grua po hetohet në gjendje të lirë, pasi kishte dijeni për laboratorin e drogës, por nuk e kallëzoi.
Agjentët e komisariatit numër 2, zbuluan se në këtë aktivitet të paligjshëm autorët të kenë vjedhur energjinë, dhe me dyshimin se kanë shpërdoruar detyrën duke mos kryer kontrolle në zonë, u arrestuan 3 punonjës të OSHEE-së, Ervis Pashollari, 40 vjeç, Elton Cenaliu, 47 vjeç, dhe Gëzim Gjonpali, 59 vjeç
Aktivitetin dyshohet ta kenë nisur 5 apo 6 muaj më parë. Gjatë operacionit “Tuneli”, policia gjeti dhe sekuestroi 193 bimë kanabis të kultivuara në vazo dhe 100 bimë të tjera u gjetën të thara, të futura nëpër thasë, llamba elektrike, ventilatorë, tuba plastikë, pajisje aspirimi, filtra, bobina dhe sende të tjera që shërbejnë për kultivim bimësh narkotike me anë të llambave, në ambientet e brendshme.
Ky laborator droge u zbulua nga ish-deputeti Halit Valteri., tashmë me detyrë të re në zyrën e Agjencisë Shtetërore të Kadastrës, i cili më pas njoftoi policinë. Blutë i thanë Report Tv se ai ishte në cilësinë e një zyrtari që kishte shkuar të inspektonte katin e parë të magazinës së Kadastrës dhe konstatoi në sende të dyshimta. I kontaktuar nga Report Tv për të sqaruar pozicionin e tij për këtë rast, Valteri akoma nuk ka një përgjigje. Vetë Agjencia e kadastrës në një reagim publik tha se nuk ka lidhje me ambientin me kanabis.
Gjatë operacionit ‘Tuneli’, u gjetën dhe sekuestruan 193 bimë kanabis të kultivuara në vazo (183 prej tyre janë asgjësuar me anë të djegies ndërsa 10 janë dërguar për ekzaminime të mëtejshme), 100 bimë të thara të futura nëpër thasë, llamba elektrike, ventilatorë, tuba plastikë, pajisje aspirimi, filtra, bobina dhe sende të tjera që shërbejnë për kultivim bimësh narkotike me anë të llambave.
Komente
Lajme të tjera
-
Braçe ndan pamjet me dron të REPORT TV nga protesta e PD: Vuajtja e Tiranës një ditë para Krishtlindjeve, e bllokuar nga 102 vetë! Shkak, urrejtja ndaj këtij qyteti
23 Dhjetor, 21:55 -
Protesta/ Gjekmarkaj humb ndjenjat dhe rrëzohet në tokë! Kryetari i PD: E goditën efektivët! Reagon policia: Berisha gënjen (VIDEO)
23 Dhjetor, 18:54 -
Ekskluzive/ Report Tv sjell pamjet me dron, një grusht militantësh te rruga e ‘Elbasanit’ bllokojnë makinat në trafik (VIDEO)
23 Dhjetor, 18:37 -
Protesta e PD/ Berisha me një grusht militantësh bllokojnë 3 orë Tiranën: Qeveri teknike! Përplasen me policinë! Noka grusht efektivit
23 Dhjetor, 17:11 -
Moti i keq në Fier, reshjet intensive lënë pa energji elektrike Libofshën dhe rrethinat e saj
23 Dhjetor, 16:29 -
Trafiku i çmendur në Tiranë? Eksperti: Këto rrugë kemi, të disiplinojmë shoferët, gjobat i kemi shumë të lira! Këta ndalojnë për të pirë kafe
23 Dhjetor, 14:46 -
Të dënuar për trafik droge, prostitucion e falsifikim dokumentash! Ekstradohen 4 shqiptarë në Itali, dy të tjerë sillen në Shqipëri
23 Dhjetor, 13:55 -
Çiklizëm/ 'Giro d’Italia' 2025 fillon nga Shqipëria me tre etapa, Rama: Garohet në Tiranë, Durrës dhe Vlorë! Ndiqet nga 800 milionë njerëz (Itinerari)
23 Dhjetor, 13:07 -
Më 24 dhjetor në Tiranë mbrëmje festive për Krishtlindje! Muzikë festive, koncert në 19:00 në sheshin “Skënderbej”
23 Dhjetor, 12:47 -
Arta Dade në Festivalin e Këngës, u jep forcë vajzave dhe grave: Asnjëherë nuk është vonë për të qenë të suksesshme
23 Dhjetor, 09:07 -
VIDEO/ Skenë e shëmtuar në Tiranë, boksieri serb del në ring me këngën anti-shqiptare! Koçi e hedh 'K.O.'
23 Dhjetor, 08:44 -
Makthi i trafikut, policia nga e hëna me plan operacional! Shërbimet 12 orë në ditë, rrugët me dyndje në monitorim
22 Dhjetor, 15:19
Pa folur per energjine,si u ndertua tuneli pa e kuptuar e pare njeri?! Si ambient qe mund te vizitohej nga punonjes te kadastres,si ka mundesi qe askush nuk ndjeu eren e kanabisit,per te mos thene te tjerat?!
Përgjigju