TIRANË - Shtatë persona janë vënë në pranga nga policia në kryeqytet, pasi kishin kthyer një magazinë në shtëpi bari, të zbuluar një ditë më parë në rrugën 'Hamdi Pepa' në Tiranë. 3 prej të arrestuarve janë punonjës të OSHEE.
Ndërkohë një person është në kërkim dhe një tjetër në hetim. Tre punonjësit e OSHE-së, Ervis Pashollari, Elton Cenaliu dhe Gëzim Gjonpali, akuzohen për 'shpërdorim detyre'. Sipas policisë ata nuk kanë konstatuar lidhjet e paligjshme, pasi zona ku ishte magazina ishte në mbikëqyrjen e tyre në rrugën Hamdi Pepa.
Erlind Tresa, Reshit Tresa, Asqeri Likaj, Elvis Lala kishin përshtatur një tunel nga kati i parë në katin e dytë të magazinës për kultivimin e bimëve narkotike me anë të llambave.
'Shtetasit Erlind Tresa, Reshit Tresa, Asqeri Likaj, Elvis Lala, dhe S. K., në një magazinë në rrugën "Hamdi Pepa" kishin përshtatur një tunel, nga kati i parë në katin e dytë të magazinës, për kultivimin e bimëve narkotike me anë të llambave. Punonjësit e OSHEE, nuk kanë konstatuar lidhjet e paligjshme të energjisë elektrike në këtë ambient, në zonën që ata kishin në monitorim, ndërsa shtetasja H. D., ka pasur dijeni për këtë veprimtari kriminale dhe nuk ka kallëzuar pranë organeve kompetente', njofton sot policia.
Gjatë operacionit ‘Tuneli’, u gjetën dhe sekuestruan 193 bimë kanabis të kultivuara në vazo (183 prej tyre janë asgjësuar me anë të djegies ndërsa 10 janë dërguar për ekzaminime të mëtejshme), 100 bimë të thara të futura nëpër thasë, llamba elektrike, ventilatorë, tuba plastikë, pajisje aspirimi, filtra, bobina dhe sende të tjera që shërbejnë për kultivim bimësh narkotike me anë të llambave.
Sakaq, është shpallur në kërkim S.K., për kultivim të narkotikëve dhe dhe vjedhje te energjisë elektrike. Ndërsa shtetasja H.D., është në hetim në gjendje të lirë, pasi ka pasur dijeni për këtë veprimtari kriminale dhe nuk ka kallëzuar.
Gjurmët e një shtëpie bari në Tiranë, u zbuluan nga ish-deputeti Halit Valteri. Tashmë me detyrë të re në zyrën e Agjencisë Shtetërore të Kadastrës, Valteri shkoi të shohë nga afër një nga magazinat e agjencisë në rrugën Hamdi Pepa” në zonën e Selitës në Tiranë.
Ish-deputeti vuri re se mbi ambientet e magazinës së ASHK-së, në katin e dytë kishte objekte të dyshimta, për të cilat njoftoi me telefonatë ministrin e Brendshëm Ervin Hoxha. Agjentët e Komisariatit numër 2 në kryeqytet u vunë menjëherë në lëvizje dhe pak pas mesnatë ndërhynë.
Lajme të tjera
-
Tiranë/ U kap me 2.1 kg kanabis, arrestohet në flagrancë 31- vjeçari
11 Tetor, 09:25 -
Sulollari Group vjen me Showroom e parë në Paskuqan 1, brandet ndërkombëtare në Shqipëri! Panele diellore, kondicionerë e hidrosanitare
10 Tetor, 16:22 -
Hapet Xhamia e Namazgjasë! Rama e Erdogan presin shiritin! Presidenti turk: Më e madhja në Ballkan! Kryeministri: Zoti na ndihmoftë në rrugën ku duam të ngremë Flamurin e Skënderbeut!
10 Tetor, 16:07 -
‘Pritëm 3 dekada’, shikoni pamjet brenda Xhamisë së Namazgjasë! Përlotet Myftiu i Tiranës
10 Tetor, 15:39 -
Pushkë, tritol e granata në banesë, zbulohet municion luftarak në fshatin Kus të Tiranës! Një i arrestuar (VIDEO)
10 Tetor, 08:27 -
Ish-deputeti sinjalizon policinë për një ‘shtëpi bari’, kati i parë pronë e kadastrës, mbi të laboratori i drogës! Sekuestrohen 105 rrënjë kanabis, 6 të shoqëruar
10 Tetor, 08:18 -
Erdogan sot në Tiranë, ‘blindohet’ kryeqyteti! Ja rrugët që bllokohen dhe oraret
10 Tetor, 07:41 -
Erdogan nesër në Tiranë për inaugurimin e Xhamisë së Namazgjasë, ja agjenda dhe detajet e vizitës së presidentit turk
9 Tetor, 20:22 -
Veliaj prezanton projektin për sheshin ‘Avni Rustemi’ dhe parkingut nëntokësor te Pazari i Ri: Prioritet i qytetit janë njerëzit
9 Tetor, 18:01 -
Eduard Zaloshnja: Çereku i elektoratit kryeqytetas është gri
9 Tetor, 15:25
-
Liga e Kombeve/ Mario Mitaj 'sms' Sylvinhos: Luaj edhe në mesfushë, Benzema më priti mirë! Kumbulla: Jap garanci në mbrojtje, e vuajta dëmtimin
9 Tetor, 14:27 -
Uzuni humbet sfidat me Çekinë dhe Gjeorgjinë për shkak dëmtimi, ftohet në Kombëtare sulmuesi Indrit Tuci! Asllani qetëson Sylvinhon
9 Tetor, 08:32
