Policia e Tiranës ka parandaluar një konflikt në një familje, duke arrestuar një 44-vjeçar. Ngjarja është shënuar në Vorë, ku policia ka mbërritur menjëherë në banesë pas një telefonate emergjente.

Me të mbërritur në banesë, në Picarë, Vlorë, uniformat blu kanë konstatuar një konflikt në familje dhe kanë bërë të mundur parandalimin e përshkallëzimit të këtij konflikti. Sipas uniformave blu, shtetasi Saimir P. po ushtronte dhunë psikologjike ndaj bashkëshortes së tij, shtetases M. P., ndërsa janë konstatuar një armë zjarri dhe një armë të ftohtë, të cilat disponoheshin pa leje.

Nga kontrolli i banesës së këtij shtetasi, janë gjetur dhe sekuestruar në cilësinë e provës materiale:

- Një armë zjarri, automatik model 56, me tre krehër dhe 90 fishekë

- Një armë e ftohtë, me dy tehë (thikë si ato ushtaraket)

Nga veprimet hetimore të kryera dhe provat materiale të sekuestruara, Oficerët e Policisë Gjyqësore, kanë bërë arrestimin në flagrancë të shtetasit:

- Saimir P., 44 vjeç, banues në Picar, Vorë

Materialet proceduriale iu kaluan Prokurorisë pranë Gjykatës së Shkallës së Parë Tiranë, për veprat penale “Dhuna në familje”, “Mbajtja pa leje e armëve dhe municionit luftarak” dhe “Mbajtja pa leje e armëve të ftohta”, parashikuar nga Nenet 130/a, 278/3 dhe 279/1 të Kodit Penal.

d.c./shqiptarja.com