Sipas informacioneve zjarri ka përfshirë katin e parë dhe të dytë të ndërtesës ku ndodhej lokali duke shkaktuar dëme të konsiderueshme materiale. “Tiki Bar” është djegur plotësisht, pasi është ndërtuar i gjithë me dru.
Menjëherë në vendngjarje kanë shkuar 3 zjarrfikëse, të cilat kanë bërë të mundur neutralizimin dhe shuarjen e flakëve.
Nga lokali janë evakuuar të gjithë personat që ndodheshin brenda. Nga flakët dhe tymi ka mbetur i asfiksuar kamerieri i lokalit, i cili është dërguar menjëherë në spitalin Ushtarak. Sipas burimeve, kamerieri pas ndihmës së parë mjekësore, tashmë ndodhet jashtë rrezikut për jetën.
Mendohet që shkak i zjarrit të ketë qenë shpërthimi i një bombole gazi, ndërsa jashtë kamerave pronarët e lokalit mohojnë në mënyrë kategorike përdorimin e gazit në ambientet e tyre.
Ndërkaq, policia ka nisur hetimet për zbardhjen e plotë të ngjarjes.
Redaksia Online
(e.s/shqiptarja.com)