Tiranë, përndoqi për rreth 1 vit një vajzë, në pranga 27-vjeçari nga Dibra

Një 27-vjeçar, banues në Maqellarë të Dibrës, është arrestuar nga policia e Tiranës pasi ka përndjekur për rreth 1 vit një vajzë.

Policia thotë se në kuadër të operacionit ‘Sundimi i Ligjit’, është arrestuar R.I, pasi gjykata e Shkallës së Parë e Juridiksionit të Përgjithshëm Tiranë i ka caktuar 27-vjeçarit, masën e sigurisë "Arrest në burg", për veprën penale "Përndjekja" pasi për 1 vit, ka përndjekur një 29-vjeçare.

'Në zbatim të masave të hartuara në kuadër të megaoperacionit policor të koduar "Sundimi i ligjit", strukturat e Komisariatit të Policisë Nr. 1, bazuar në informacionet e siguruara në rrugë operative, mbi vendndodhjen e një shtetasi në kërkim, kanë intensifikuar kontrollet për kapjen dhe vënien e tij, përpara përgjegjësisë ligjore.  

LEXO EDHE:
2 adoleshentet me synime të qarta: Në punë e shkollë për turizëm: ‘Shtrojmë’ rrugën për tu bërë sipërmarrëse

Si rezultat, në Rrugën e Elbasanit, është kapur dhe ndaluar shtetasi R. I., 27 vjeç, banues në Maqellarë, Dibër.     

Gjykata e Shkallës së Parë e Juridiksionit të Përgjithshëm Tiranë i ka caktuar 27-vjeçarit, masën e sigurisë "Arrest në burg", për veprën penale "Përndjekja", pasi për 1 vit, ka përndjekur një shtetase 29 vjeçe. 

Megaoperacioni "Sundimi i ligjit" vazhdon. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.'- njofton policia.

M.Q./Shqiptarja.com

TAG:
• Tirane
• policia e tiranes